SA KI GEN ATIK ETID YO

Lè n medite sou benediksyon nou jwenn yo epi n di Jewova mèsi pou sa, nou ka vin rekonesan anvè l epi n ka kontinye demontre rekonesans sa a. Lè n gen yon kè ki rekonesan sa ap ede n pou n pa vin engra e sa ap ede n fè fas ak eprèv. Tèks pou ane 2015 lan pral fè n sonje sa pandan tout ane a.

Yon fason klè, atik sa a montre rezon ki fè n komemore lanmò Jezi. Li esplike ki sa pen ak diven yo itilize nan Memoryal la reprezante e l montre ki jan yon moun fè konnen si wi ou non li kapab manje nan pen an epi bwè nan diven an. Anplis de sa, atik sa a pral ede n wè kòman nou ka prepare n pou Soupe Seyè a.

Moun marye yo ap fè fas ak presyon ansanm ak tantasyon ki pa sispann ogmante. Sepandan, grasa èd Jewova, li posib pou yo rete djanm epi pou yo gen yon maryaj ki solid e ki bay kè kontan. Premye atik la pral pale konsènan senk blòk espirityèl k ap ede n konstwi yon maryaj solid k ap dire e l pral pale konsènan mòtye nou ka itilize pou n kole blòk sa yo. Dezyèm atik la pral egzamine fason nou ka pwoteje yon maryaj nan domèn espirityèl.

Ak ki sa n ka konpare vrè lanmou ki egziste ant yon gason ak yon fi? Èske lanmou ka dire pou toutan? Ki jan yon moun ka demontre yon lanmou konsa? Aprann ki sa liv Chan Salomon an di nou sou lanmou ki dire pou toutan an.