Sèvi ak ‘benediksyon w jwenn ki soti nan Bondye’

Nou tout bay ankourajman nou jwenn lè n ansanm ak frè n ak sè n yo anpil valè. Men, se pa jis paske nou ansanm ki vle di n ap jwenn ankourajman. Nou bezwen fè plis pase sa. Bib la pale de kapasite nou genyen pou n ankouraje youn lòt la kòm yon “benediksyon ki soti nan Bondye”. (Wom. 1:​11, 12.) Ki jan n ka pi byen sèvi ak kado sa a?

Di pawòl k ap ankouraje lòt moun. Pa egzanp, lè n ap fè kòmantè nan reyinyon, veye pou n pa atire twòp atansyon sou nou. Okontrè, pale sou sa w aprann sou Jewova, sou Pawòl li a ak sou pèp li a. Lè n ap pale ak frè n ak sè n yo, nou kapab chwazi pale sou bagay k ap ankouraje yo.

Veye pou desizyon w pran ak fason w aji ankouraje lòt moun. Pa egzanp, gen moun ki chwazi rete nan sèvis aplentan, menm lè sa pa fasil pou yo. Gen lòt menm ki toujou la nan reyinyon lasemèn yo, menm lè yo gen yon travay ki pran pifò nan tan yo oswa yo gen yon gwo pwoblèm sante.

Èske kòmantè w fè ankouraje frè w ak sè w yo? E èske w remake sa frè w ak sè w yo di ak sa yo fè pou yo ankouraje w?