Bonte se yon bèl kalite

1. Jewova Dye fè nou favè,

Sa fè nou gen kè kontan.

Li se Papa’n ki nan syèl la,

Li bon avèk nou toutan.

Li toujou gen pitye pou nou,

Plis pase sa’n merite.

Li diy pou nou adore li

E pou’n sèvi’l nètale.

2. Li kreye nou pòtre ak li.

Konsa, nou ka devlope

Tout kalite li genyen yo,

San nou pa bliye bonte.

Plis nou imite Jewova,

N’ap gen bonte ak lanmou.

Ann priye pou’n toujou genyen

Fwi lespri sen an nan nou.

3. Nou dwe aji avèk bonte

Ak frè nou yo nan lafwa.

Men, n’ap fè menm jan’ pou tout moun,

N’ap imite Jewova.

Nou bay moun yo bon nouvèl la,

Nou fè sa san patipri.

Nou fè yo konn esperans nou,

Nou kite bonte’n aji.