Jan pou nou prezante peryodik yo

Réveillez-vous! 22 novanm

“ Anpil moun ap mande si dega ki fèt nan anviwònman an ap ka repare. Èske w panse gen espwa nan yon sitiyasyon konsa ? [Kite moun nan reponn.] Kreyatè a pa t gen nan tèt li pou tè a tounen yon pil fatra ki pa gen moun abite sou li. [Li Izayi 45:18.] Peryodik sa a esplike ki jan tè a pral rive delivre. ”

Toudegad 1^ye desanm

“ Nan tan lontan, anpil moun te kwè tè a ka tounen yon paradi yon jou. Jodi a, gen moun ki pa menm kwè si l ap kontinye egziste. Ou menm, ki sa w panse konsènan avni tè a ? [Kite moun nan reponn.] Ann gade ki sa Bib la di sou sa. [Li Sòm 37:11.] Peryodik sa a bay plis detay sou sa Bib la anonse konsènan tè a. ”

La Tour de Garde 1^ye desanm

“ Jodi a, gen moun ki pèdi lafwa nan Bondye. Youn nan rezon ki fè sa, se paske yo pa jwenn repons ki satisfè yo pou yon seri kesyon k ap boulvèse yo tankou kesyon sa a : [Bay yon egzanp ki nan kare ki nan paj 6 la.] La Tour de Garde sa a pale sou sa. Li vini ak yon aspè enpòtan k ap pèmèt nou gen lafwa nan Bondye toutbonvre. ” Li Filipyen 1:9.

Réveillez-vous! 8 desanm

“ Èske w panse l posib pou moun rive viv alèz konsa yon jou ? [Li Izayi 14:7. Ansuit kite moun nan reponn.] Peryodik sa a gen bon enfòmasyon ladan l k ap ede nou pandan n ap tann akonplisman pwomès Bondye yo. ” Prezante sijè ki gen tit : “ Comment résister aux mauvais désirs ? ”