Jan pou nou prezante peryodik yo
La Tour de Garde 15 des.
“ Pandan epòk sa a nan ane a, gen anpil moun k ap reflechi sou pawòl zanj yo te di jou Jezi te fèt la. [Li Lik 2:14.] Èske w panse yon lè ap gen lapè sou tè a toutbonvre ? [Kite moun nan reponn.] Peryodik sa a egzamine ki jan Jezi pral etabli bonjan lapè sou tè a talè konsa. ”
Réveillez-vous! Des.
“ Nan relijyon yo, gen diferan opinyon sou kesyon bwè bwason ki gen alkòl. Ki jan w panse Bondye wè kesyon bwè bwason ki gen alkòl la ? [Kite moun nan reponn.] Byenke Jezi te fè dlo tounen diven nan premye mirak li te fè a, Bib la bay avètisman sa a tou. [Li Pwovèb 20:1.] Atik sa a esplike pwennvi ekilibre nou jwenn nan Bib la anrapò ak kesyon sa a. ” Apre sa, prezante atik ki kòmanse nan paj 18 la.
Toudegad 1ye jan.
“ Èske w panse richès se yon baz pou detèmine si yon moun reyisi nan lavi a ? [Kite moun nan reponn. Apre sa, li 1 Timote 6:9, 10.] Byenke Bib la pa pale an mal de lajan, li montre vrè reyisit nan lavi a pa depann de richès. Se sou sa peryodik sa a pale. ”
Réveillez-vous! Jan.
“ Èske w panse n ap janm wè pwomès sa a vin yon reyalite ? [Li Izayi 33:24. Apre sa, kite moun nan reponn.] Peryodik sa a pale de sa lasyans ap reyalize nan domèn medikal, e li egzamine ki jan pwomès sa a Bib la fè pral jwenn akonplisman l. ”