Kèk modèl prezantasyon
Pou nou kòmanse etid biblik premye samdi nan mwa desanm nan
“Anpil moun ap tann Jezi retounen. Si Jezi retounen di m yon bagay ou ta renmen li fè.” Kite moun nan reponn. Montre moun nan do Toudegad 1ye desanm nan, egzamine repons yo bay pou premye kesyon an avè l epi pale omwen sou youn nan vèsè yo bay kòm referans yo. Ofri moun nan peryodik yo, epi pran randevou pou w retounen reponn kesyon ki vin apre a.
Toudegad 1ye desanm
“Jodi a moun tèlman okipe li vin difisil pou yo panse ak Bondye. Dapre ou menm, èske li enpòtan pou nou gen Bondye nan lavi nou. [Kite moun nan reponn.] Nan Sèmon sou montay la, Jezi te di pou nou viv ak kè kontan toutbon nou bezwen gen bon relasyon ak Bondye. [Li Matye 5:3.] Peryodik sa a montre twa rezon ki fè nou bezwen Bondye.”
Réveillez-vous! Desanm
“Anpil nan nou baze opinyon nou sou sa nou li ak sa nou tande nan nouvèl medya yo bay. Èske w panse nouvèl sa yo egzak e nou ka fè yo konfyans? [Kite moun nan reponn.] Bib la konseye nou pou nou fè atansyon anvan nou fè nouvèl nou tande yo konfyans. [Li Jòb 12:11.] Peryodik sa a ban nou kèk konsèy k ap ede nou verifye pawòl n ap tande ak sa n ap li.”