LAVI NOU ANTANKE KRETYEN
Chèche vin pi maton nan travay predikasyon an — Bay yon moun temwayaj, pandan l deyè pòt li ki fèmen
REZON KI FÈ SA ENPÒTAN: Pwogrè yo fè nan domèn teknoloji ak plis krim k ap fèt fè moun mete plis kamera sekirite ak entèfòn lakay yo, yon ti aparèy ki pèmèt moun deyò a pale ak moun anndan an. Nou ka santi n pè lè n ap eseye preche yon moun k ap gade nou, alòske nou pa ka wè l. Rapèl ki vin apre yo ap ede n gen plis konfyans lè n ap bay yon moun temwayaj, pandan l dèyè pòt li ki fèmen.
FASON POU NOU FÈ L:
Se pou n pozitif. Anpil moun ki lakay yo ki gen kamera oubyen entèfòn konn dispoze pale ak nou
Sonje gen moun ki pwograme kamera yo pou yo kòmanse anrejistre anvan yon moun sonnen sonèt la, e moun ki nan kay la ka wè w epi tande w kou w rive toupre pòt la
Lè moun nan kay la reponn, pale nan entèfòn nan oswa nan kamera a tankou w t ap pale avè l fasafas. Se pou w souri epi fè jès ki natirèl. Di sa w te prepare pou w di a, menm jan si moun nan te vin jwenn ou. Si gen yon kamera, pa met figi w twò pre l. Si moun nan kay la pa reponn, ou pa bezwen kite mesaj
Apre w fin pale ak moun nan, sonje moun nan ka toujou ap gade w e l ap tande w