Disiplin se prèv ki montre Jewova renmen nou

An jeneral, lè y ap pale de disiplin sa gen ladan l enstriksyon ak fòmasyon, men tou li gen koreksyon ak pinisyon. Jewova ban nou disiplin pou nou ka adore l fason ki fè l plezi a (Wm 12:1; Eb 12:10, 11). Pafwa, li ka difisil pou nou aksepte disiplin, men li mennen nan yon wout ki dwat e li fè nou jwenn benediksyon (Pw 10:7). Ki sa moun k ap bay disiplin nan ak moun k ap resevwa disiplin nan ta dwe sonje?

Moun k ap bay disiplin nan. Ansyen yo, paran yo ak lòt moun k ap bay disiplin yo fè gwo efò pou yo fè sa ak bonte ak lanmou menm jan Jewova fè sa a (Jr 46:28). Menmsi y ap disipline yon moun yon fason ki fèm, yo dwe bay disiplin nan selon bezwen moun nan, e yo dwe fè sa avèk lanmou. — Tt 1:13.

Moun k ap resevwa disiplin nan. Kèlkeswa fòm disiplin yo ban nou an, nou pa dwe rejte l, men pito nou dwe eseye aplike l tousuit (Pw 3:11, 12). Antanke enpafè nou tout bezwen disiplin, e disiplin sa yo ka vini sou plizyè fòm. Nou ka jwenn disiplin pa mwayen sa nou li nan Bib la ak sa nou tande nan reyinyon ki fèt nan kongregasyon an. Oubyen, kèk nan nou konn bezwen pou yon komite disiplin disipline nou. Si nou aksepte disiplin nan, n ap gen yon pi bon vi e n ap viv pou toutan. — Pw 10:17.

GADE VIDEYO KI GEN TIT “JEWOVA DISIPLINE MOUN LI RENMEN,” EPI REPONN KESYON KI ANNAPRE YO:

• 

  Ki jan lavi Canon te kòmanse, e ki jan l te chanje?

• 

  Ki disiplin ki demontre lanmou Jewova te ba li?

• 

  Ki leson nou ka aprann nan eksperyans li an?