Ki fason sè yo ka travay plis?

Sè yo bay gwo koutmen nan travay Wayòm nan (Sm 68:11). Yo kondui pifò nan etid biblik nou fè ak moun yo e yo reprezante yon gwo pousantaj nan kantite pyonye pèmanan yo. Gen plizyè milye sè k ap travay di antanke Betelit, misyonè, sèvitè oswa volontè nan konstriksyon, oswa kòm tradiktè. Sè ki gen matirite yo fè fanmi yo ak kongregasyon yo djanm (Pw 14:1). Byenke sè yo pa ka sèvi kòm ansyen oswa sèvitè ministeryèl, yo ka toujou fikse kèk objektif pou yo atenn nan kongregasyon an. Si w se yon sè, ki kèk fason w ka travay plis?

• Kiltive kalite espirityèl. — 1Ti 3:11; 1P 3:3-6

• Ede sè ki pa gen anpil eksperyans nan kongregasyon an. — Tt 2:3-5

• Amelyore kalite ak kantite travay ou fè nan predikasyon

• Aprann yon lòt lang

• Al sèvi kote ki gen plis bezwen

• Ranpli yon fòmilè pou w al travay nan betèl oswa pou w ede nan konstwi lokal òganizasyon an itilize yo

• Ranpli yon fòmilè pou Lekòl evanjelizatè Wayòm nan

GADE VIDEYO KI GEN TIT “MEDAM K AP TRAVAY DI NAN SÈVIS SEYÈ A”, EPI REPONN KESYON KI ANNAPRE A:

• Ki jan kòmantè chak sè sa yo ankouraje w?