• “Byenke l mouri, li kontinye ap pale”
    Toudegad — 2013 | 1ye janvye

    • Yon ti tan apre Jewova te kreye Adan ak Èv, Abèl te vin fèt. Pi devan, Jezi te pale de Abèl antanke moun ki te viv lè “monn nan te fonde” a (Lik 11:50, 51). Li klè, lè Jezi t ap pale de monn nan, li t ap pale de tout moun k ap viv sou tè a ki gen esperans pou yo libere anba peche. Byenke Abèl te katriyèm moun ki fèt sou tè a, sanble li te premye moun Bondye te wè ki te ka jwenn padon pou peche l.a Sa klè, Abèl pa t leve pami moun ki te bay bon egzanp.

  • “Byenke l mouri, li kontinye ap pale”
    Toudegad — 2013 | 1ye janvye

    • a Ekspresyon “monn nan te fonde” a, bay ide lè moun kòmanse fè pitit, donk li gen rapò ak premye moun ki te viv sou tè a. Men, poukisa Jezi te pale de Abèl antanke moun ki t ap viv lè “monn nan te fonde” a, e li pa t di sa pou Kayen ki te premye pitit Adan ak Èv? Desizyon Kayen te pran yo ak fason l te aji montre se espre li te fè lè l te rebele kont Jewova. Menm jan ak Adan ak Èv, sanble Kayen pap resisite e li pap jwenn padon pou peche l yo.