Bonjan lekti !

Èske w pa dakò atik sa yo ki te parèt nan Toudegad se te bonjan lekti yo te ye ?

“ Bondye konnen moun pa l yo e li pwoteje yo ”

“ Fè pwogrè nan fason n ap metrize lang nou ”

“ Lè kretyen yo t ap sèvi Bondye an kachèt ”

“ Ki jan pou nou efikas lè n ap preche kay an kay ”

“ Ki jan pou nou reponn kesyon sa a : Èske w deja sove ? ”

Atik sa yo ak anpil lòt te parèt nan Toudegad nan ane 1951 ak 1952. Èske nou panse yo twò ansyen e yo pa ka itil nou jounen jodi a ? Nou pa kwè sa ! Nou kapab toujou jwenn volim relye Toudegad ki te parèt nan ane 1951 ak 1952 ann anglè (nou kapab jwenn tou kèk volim relye ann anglè pou atik ki te parèt nan ane 1953 jouk rive 1959). Si yon pwoklamatè ta vle genyen volim relye Toudegad sa yo ann anglè, li kapab mande frè ki responsab piblikasyon nan kongregasyon l lan fè kòmann nan pou li.

Siveyan Lekòl ministè teyokratik la dwe al gade nan bibliyotèk Sal Wayòm nan pou l wè si pa genyen nan volim relye sa yo ki manke. Si genyen ki manke, l ap fè yon kòmann pou yo.