ABAL KU BAJUDHMÉJ JANTʼINIʼ U EXÓBCHIX | A ÉJTOWAL KA ATSʼAʼ MÁS IT KULBÉL TAM IT ÓLNOM
Ka tʼajaʼ i konowixtalábchik
A Jehová pel jun i «Dios kulbél», ani in léʼ abal wawáʼ ki atsʼaʼ kulbél tam u ólnom (1Ti 1:11). Neʼets ki kulbetnaʼ más tu ólnom max ku bajudhméj jantʼiniʼ u exóbchix. Tam i tʼajchal i konowixtaláb an atikláb, i éjtowal ki tʼajaʼ abal kin léʼnaʼ tu ku atsʼaʼ, ani jayej i éjtowal ki tʼajaʼ an konowixtalábchik abal ku tujey tu tʼilom kʼal jitaʼ. An konowixtalábchik in éjtowal kin tʼajaʼ abal an atikláb kin tsalpay kʼal jawaʼ i léʼ ki exóbchij (Mt 22:41-45). Max ki tʼajchij i konowixtaláb an atiklábchik ani ki jilaʼ abal tu ku tokʼtsiy pel ejtíl max kʼwajat i uchal abal jajáʼ in kwaʼal yan in jalbíl abal wawáʼ (Snt 1:19). Jawaʼ an atikláb tu ku tokʼtsiy neʼets tu ku tólmiy ki exlaʼ jantʼoj ki uchaʼ talbél.
TALBÉL TA TSUʼÚMAL AN VIDEO LEJ KULBÉL I ATSʼÁL TAM I ÁLIYAL ANI I TʼAJÁL I AYKOL KʼAL A CRISTO. KU BAJUDHMÉJ JANTʼINIʼ U EXÓBCHIX: KA TʼAJAʼ I KONOWIXTALÁB, KA TÓKʼTSIY AXÉʼ XI KONOWIXTALÁBCHIK:
¿Jantʼiniʼ ti tejwaméj abal a Coral alwaʼ inik?
¿Jantʼoj in tʼajaʼ a Rita abal kin tejwamédhaʼ abal in léʼ kin exlaʼ a Coral?
¿Jantʼoj tam konowixtaláb in tʼajaʼ a Rita abal a Coral kin léʼnaʼ kin exlaʼ más tin kwéntaj a Jehová?
¿Jantʼoj tam konowixtaláb in tʼajaʼ a Rita abal kin tólmiy a Coral ka tsálpaxin?