Ki tólmiy an exóbalchik abal kin tʼajaʼ tin jaʼúb a Jehová

A Jehová in léʼ ki tʼojonchij kom i kʼanidhál (Mt 22:37, 38). An kʼanidhomtaláb axi an exóbalchik kʼal an Biblia in koʼonchal a Jehová, jats kʼal axi ti neʼets ka tólmiyat kin jalkʼuy in ey, kin tamétnaʼ an kʼibataláb ani ka pujan (1Jn 5:3).

Ka tólmiy an exóbalchik abal kin exbay abal kʼal a Jehová u kʼanidháb. Ka tʼajchij axéʼ xi konowixtalábchik «¿Jantʼoj ti exóbchal axéʼ tin kwéntaj a Dios?» «¿In tejwamedhál axéʼ abal ti kʼanidhál a Jehová?». Ka tólmiy kin tʼajaʼ ti kwéntaj jantʼiniʼ ti kʼwajat ti tolmiyáb kʼal a Jehová (2Cr 16:9). Ka tʼilchij jantʼiniʼ ti tokʼtsinchámal a olábil a Jehová, ani ka uchaʼ abal kin tʼajaʼ ti kwéntaj jantʼiniʼ tu tokʼtsinchab in olábil kʼal a Jehová. ¡Neʼets kit lej kulbéj tam ka exlaʼ abal jitaʼ a exóbchal kʼal an Biblia in bajuwámal tin jaʼúb a Jehová!

TALBÉL TA TSUʼÚMAL AN VIDEO KI TÓLMIY AN EXÓBALCHIK ABAL KIN TʼAJAʼ TIN JAʼÚB A JEHOVÁ, KA TÓKʼTSIY AXÉʼ XI KONOWIXTALÁBCHIK:

• 

  ¿Jantʼoj tam kʼibataláb in tamétnaʼ a Coral?

• 

  ¿Jantʼoj in tʼajaʼ a Rita abal kin tólmiy?

• 

  ¿Jantʼoj in tʼajaʼ a Coral abal kin tamétnaʼ?