Ki bátsʼuw an tolmixtaláb axi a Jehová tu pidhál tam u ól

Pel a Jehová axi in tʼajál abal an atiklábchik kin bátsʼuw in káwintal ani ka bajuwat ka kʼanidháj (1Co 3:6-9). Jaxtám, max i léʼ ku bajudhméj ban olnomtaláb, in tomnál ki lej belaʼ abal a Jehová neʼets tu ku tólmiy wawáʼ ani jítaʼchik i exóbchal kʼal an Biblia.

Tam ka ólonchij a Jehová, ka uchaʼ jawaʼ chubax ti tʼeʼpindhál. Ka konchij abal kin tólmiy an exóbalchik kin kuxuy an kʼibataláb axi in kwaʼal tin ejatal (Flp 1:9, 10). Ka konchij a Jehová abal ti tólmiy kʼal in tʼokat tsaplábil abal ka exlaʼ jantʼoj ka tʼajaʼ (Lu 11:13). Ka exóbchij an exóbal jantʼiniʼ kin tʼajaʼ jun i alwaʼ oláb ani ka ólchij abal jajáʼchik jayej in éjtowal ka ólon. Kit ólon kʼal an exóbal, ka konoy abal ka tolmiyat ani ka bíjiy ta olábil.

TALBÉL TA TSUʼÚMAL AN VIDEO LEJ KULBÉL I ATSʼÁL TAM I ÁLIYAL ANI I TʼAJÁL I AYKOL KʼAL A CRISTO. KI ÉYENDHAʼ AN TOLMIXTALÁB AXI A JEHOVÁ TU PIDHÁL: AN OLÁB, KA TÓKʼTSIY AXÉʼ XI KONOWIXTALÁBCHIK:

• ¿Jantʼoj tam kʼibataláb in koʼoy a Rita tam tu exobalak kʼal a Coral tin kwéntaj an Biblia?

• ¿Jantʼiniʼ ti tolmiyat a Rita kʼal jawaʼ in ulal 1 Corintios 3:6?

• ¿Kʼal jantʼoj ti tolmiyat a Rita?