Ka eyendhaʼ i tʼiplab tam it exóbchix

Tam u wichél ki tsaʼbiy an atiklábchik o i exóbchal kʼal an Biblia, kwaʼal ki tólmiy kin exbay an tsálapchik axi más exbadh. Max ki eyendhaʼ i tʼiplab tam u exóbchix, neʼets ki úldhanchij tin ichích an exobintaláb ani neʼets kin tʼilaʼchik jawaʼ in exóbnaʼ.

Tam it tʼojojonal abal kit wichiy ka tsaʼbiy jun i atikláb o ka exóbchij kʼal an Biblia, ka tsalpay kʼal an tsálapchik axi más exbadh axi neʼets ka exóbchij. Yab ka eyendhaʼ i tsálapchik axi yab lej exbadh expidh kom tatáʼ a kulbetnál. Talbél, ka takuy i tʼiplab axi an atiklábchik in ujnámits kin atsʼaʼ (Mt 5:14-16; Mr 2:21; Lu 14:7-11). Ka lej tʼajaʼ ti kwéntaj jawaʼ an atikláb in exlálits ani jawaʼ in ujnám kin tʼajaʼ (Lu 5:2-11; Jn 4:7-15). Neʼets ka atsʼaʼ lej kulbél tam ka tsuʼuw abal an atikláb in exbayámal jun i exobchixtaláb.

TALBÉL TA TSUʼÚMAL AN VIDEO LEJ KULBÉL I ATSʼÁL TAM I ÁLIYAL ANI I TʼAJÁL I AYKOL KʼAL A CRISTO. KU BAJUDHMÉJ JANTʼINIʼ U EXÓBCHIX: KI ÉYENDHAʼ I TʼIPLAB TAM U EXÓBCHIX, KA TÓKʼTSIY AXÉʼ XI KONOWIXTALÁBCHIK:

• 

  ¿Jaleʼ tin yéjenchal tolmidh an atiklábchik abal kin exbay an textos axi ti Biblia?

• 

  ¿Jantʼoj tam tʼiplab in eyendhaʼ a Rita abal kin wilkʼaʼ Romanos 5:12?

• 

  ¿Jantʼiniʼ i éjtowal ki tólmiy an atikláb kʼal i alwaʼ tʼiplabchik?

• ¿Jaleʼ in tomnál ki eyendhaʼ an videos ani an eyextaláb axi in bichówil a Jehová tu pidhámal abal tu exóbchix?