ABAL KU BAJUDHMÉJ JANTʼINIʼ U EXÓBCHIX | A ÉJTOWAL KA ATSʼAʼ MÁS IT KULBÉL TAM IT ÓLNOM
Ka tejwamédhaʼ i kulbetaláb tam it exóbchix
Max ka tejwamédhaʼ abal it kulbél tam it ólnom, an atiklábchik neʼets kin tʼajaʼ ti kwéntaj ani más neʼets kin leʼnaʼ ti atsʼaʼ. Jayej, tam i kʼijidhnál tu ólnom i tejwamedhál abal i pidhál in jalbíl axéʼ xi tʼojláb. Patal i éjtowal ki tejwamédhaʼ i kulbetaláb bélits max yab i ujnam tu lej kaw o max pil i bichówil (Ro 12:11). ¿Jantʼiniʼ i éjtowal ki tejwamédhaʼ i kulbetaláb?
Kʼaʼál, ka tsalpay jaleʼ ti lej exbadh ku olnomáts. Tatáʼ a kwaʼal jun i alubél uchbiláb: «ka ólnaʼ an alwaʼ kaw» (Ro 10:15). Tsabchíl, ka tsalpay jantʼiniʼ ti neʼets ka tólmiyat jitaʼchik kin atsʼaʼ an alwaʼ kaw. An atiklábchik in lej yéjenchal kin atsʼaʼ an alwaʼ kaw abal kin kʼaniy in ejatal (Ro 10:13, 14). Oxchíl, jawaʼ ka uluw kwaʼal ka kalej ma ta ichích, jayej ka tejwamédhaʼ kʼal a wal ani kʼal a kʼubak abal chubax jawaʼ a ulal.
TALBÉL TA TSUʼÚMAL AN VIDEO LEJ KULBÉL I ATSʼÁL TAM I ÁLIYAL ANI I TʼAJÁL I AYKOL KʼAL A CRISTO. KU BAJUDHMÉJ JANTʼINIʼ U EXÓBCHIX: KI TEJWAMÉDHAʼ I KULBETALÁB TAM U EXÓBCHIX, KA TÓKʼTSIY AXÉʼ XI KONOWIXTALÁBCHIK:
¿Jaleʼ a Rita yabáts in atsʼalak lej kulbél tam u exóbal kʼal a Coral?
¿Kʼal jantʼoj ti tólmiyat a Rita abal junílekʼij kin atsʼaʼ kulbél?
An kulbetaláb axi ka tejwamédhaʼ in éjtowal kin tólmiy axi kʼeʼat.
¿Jaleʼ ti kwaʼal ki tʼajaʼ ti kwéntaj jawaʼ in tʼajál alwaʼ jitaʼchik tu atsʼál?
¿Jantʼiniʼ ti neʼets ka tólmiyat an exóbalchik kʼal an Biblia, an kulbetaláb axi ki tejwamédhaʼ?