Ki tólmiy an exóbal kin jilaʼ kin tʼajaʼ i kidháb tʼajbiláb

Abal jun i atikláb axi u exóbal kʼal an Biblia, kin tʼajaʼ tin jaʼúb a Jehová kwaʼal kin jilaʼ kin tʼajaʼ jawaʼ kidháb (1Pe 1:14-16). Max kin jilaʼ in kidháb tʼajbilábil, neʼets ka kʼwajiy más kulbél kʼal in yanel, neʼets kin atsʼa kanat ani neʼets kin koʼoy jawaʼ kin yejenchij.

Ka wilkʼanchij an exóbal jantʼoj jats in abatnaxtal a Jehová, jaleʼ tin tomnál kin bélkaʼ ani jawaʼ tam lablixtaláb neʼets kin bátsʼuw. Ka tólmiy kin jalkʼuy jantʼiniʼ u tsalpax (Ef 4:22-24). Ka uchaʼ an exóbal abal etsʼey neʼets ka tólmiyat kʼal a Jehová abal kin ejtow kin jilaʼ jawákits tam kidháb tʼajbiláb, bélits max kʼibat in atsʼál (Flp 4:13). Ka ólchij abal dhúbatkʼij kin konchij i tolmixtaláb a Jehová tam kin atsʼaʼ abal in léʼ kin tʼajaʼ jantʼoj kidháb. Ka tólmiy kin tʼajaʼchik ti kwéntaj kʼal jantʼoj in éjtowal ka nixan ka walbin. Ka tólmiy kin ujnaʼ kin tʼajaʼ jawaʼ alwaʼ ani tam ka tsuʼuwits abal a Jehová in tolmiyámal kin jalkʼuy in ey, neʼets ka atsʼaʼ lej kulbél.

TALBÉL TA TSUʼÚMAL AN VIDEO KI TÓLMIY AN EXÓBALCHIK ABAL KIN JILAʼ KIN TʼAJAʼ I TʼAJBILÁB AXI A JEHOVÁ IN POJKÁL, KA TÓKʼTSIY AXÉʼ AN KONOWIXTALÁBCHIK:

• 

  ¿Jantʼoj in tʼajaʼ an ókʼnomchik ani a Rita tam ti a Coral in uluw abal in eyendhálak i mariguana?

• 

  ¿Jantʼiniʼ ti tolmiyat a Coral kʼal a Rita?

• 

  ¿Jantʼoj in tʼajaʼ a Coral abal ka tólmiyat kʼal a Jehová?