I EJATAL ANI I TʼOJLÁBIL TU AYKOL KʼAL A CRISTO

¿It kʼwajat tʼojojodh abal tam ka lej jálbinits patal?

Wawáʼ yab i jikʼpál abal kʼwajatits ti lej jálbinal patal, ¿jaleʼ? Kom i exlálits abal u kʼwajat tu kʼwajíl «tin taltal axéʼ an xeʼtsintaláb». An Biblia biyálits tu uchámal abal «yab ki tsapnaʼ an kʼaláb axi tejéʼ tsabál, kom neʼets ka taley» (1Ti 6:17; 2Ti 3:1). ¿Jantʼiniʼ tu tólmiyal in tʼiplabil a Jehosafat abal ku kʼwajiy tʼojojodh abal tam ka lej jálbinits patal?

Tam ti kʼalej ti otsancháb an bichow Judá, a Jehosafat in konchij a Jehová abal ka tólmiyat kom in belálak kʼal Jajáʼ (2Cr 20:9-12). Jayej, a Jehosafat tʼojojon okʼxidh ka otsanchat an bichow, ¿jantʼoj in tʼajaʼ? In báʼteliy alwaʼ an bichow ani in tʼojojoy an bichow abal ti pejéx (2Cr 17:1, 2, 12, 13). Wawáʼ jayej in tomnál ki belaʼ más kʼal a Jehová ani ku tʼojojon abal tam ka yáney más an kʼibataláb.

¿JANTʼINIʼ I ÉJTOWAL KU TʼOJOJON ABAL TAM KA LEJ JÁLBINITS PATAL?

Ka tsápnanchij kit utey más kʼal a Jehová. Ka exóbnaʼ kit kʼwajiy kulbél kʼal jawaʼ a kwaʼal ani ka lej belaʼ abal a Jehová neʼets ti pidhaʼ chudhél jawaʼ ka yéjenchij (Mt 6:26; 1Ti 6:8). Ka tsalpay jantʼoj neʼets ka tʼajaʼ abal yab ka jekʼchij jun i tsalpadh kaw axi ti Biblia, max talbél kwaʼal ka aliy kʼeʼat i tʼojláb (Ro 2:21). Ka koʼoy tʼojojodh an publicaciones axi neʼets ka eyendhaʼ max ka tujey ti lej kʼaléʼ an luz ani an internet. Ejtíl, a éjtowal ka dhayaʼ i publicaciones ti uw, o ka paʼbaʼ ban teléfono an publicaciones axi más u eynal.

Ka koʼoy tʼojojodh jawaʼ más neʼets ka yéjenchij. Ka tsápnanchij yab ki tokʼlin ani yab ka pákwchikiy an tumín abal yab ka atsʼaʼ kʼibat tam ka jálbinits patal (Pr 22:7). A éjtowal ka dhayaʼ wéʼ i tumín ani kʼeʼat jantʼoj axi más u eynal. Jayej a éjtowal ka tʼayaʼ talchik i waliláb o jantʼoj más abal yabáts ka tsʼaʼiy.

TALBÉL TA TSUʼÚMAL AN VIDEO ¿IT KʼWAJAT TʼOJOJODH ABAL JUN I KʼIBATALÁB?, KA TÓKʼTSIY AXÉʼ XI KONOWIXTALÁBCHIK:

Imagen kʼal an video «¿It kʼwajat tʼojojodh abal jun i kʼibataláb?». Tejwaʼ jun i Biblia, jun i mochila, jun i celular ani talchik i tʼojnal.

¿Jantʼiniʼ a éjtowal ki tʼojojon abal tam ka tamétnaʼ jun i kʼibataláb?

¿Jantʼoj neʼets ka tókʼtsiy?

Imagen kʼal an video «¿It kʼwajat tʼojojodh abal jun i kʼibataláb?». Tejwaʼ jun i Biblia, jun i mochila, jun i celular ani talchik i tʼojnal. Talchik kʼwajat in tsʼejkál i atáj ani kʼeʼatchik kʼwajat in paʼbál i cajas al jun i camión.

¿Jantʼiniʼ a éjtowal ki tʼojojon abal ka tólmiy axi kʼeʼat?

¿Jantʼoj neʼets ka tókʼtsiy?