¿It kʼwajat tʼojojodh abal max ka waʼtsin jun i pextaláb?

Axéʼ xi xeʼtsintaláb wéʼits neʼets ka taley, jaxtám kʼwajat ti lej yanel an pextaláb ani an atiklábchik in lej tomolnál an eyal (Ap 6:4). ¿Jantʼiniʼ i éjtowal ku tʼojojon abal ki támetnaʼ jun i kʼibataláb?

• Ku utey más kʼal a Jehová. Ka koʼoy ta tsalápil i tsalpadh kaw ani i tʼilab axi ti Biblia, kom nixéʼ neʼets ti tólmiy abal ka belaʼ más kʼal a Jehová ani in bichówil. Antsanáʼ yab neʼets ka tólmiy nibal jun i eyal (Pr 12:5; jr-S 125, 126 párrs. 23, 24). Xowéʼ tin tomnál ki jaʼúbnaʼ más an epchalchik axi ti tamkuntaláb (1Pe 4:7, 8).

• Ka dhayaʼ jawaʼ más u eynal. Ka tamkuy wéʼ i kʼapnél ta kʼimáʼ ani ka tsalpay jantʼoj neʼets ka yéjenchij, max yab ka ejtow kit kalej ta kʼimáʼ. Jayej ka tsalpay juʼtáj ti neʼets kit kʼalej ti tsinél max ka yéjenchij kit kalej. Ka tʼajaʼ ti kwéntaj jantʼoj a kwaʼal ban mochila de emergencia ani ka báliy tanáʼ jawaʼ más a yéjenchal, ejtíl i tumín, i cubrebocas, i guantes ani kʼeʼat jantʼoj. Ka pidhaʼ an ókʼnomchik an número de teléfono ani jayej ka koʼoy an número in kʼál an ókʼnom (Is 32:2; g17.5-S 3-7).

Biyat exom an pextaláb, ka áynanchij ka kʼakʼnaʼ a Jehová (Flp 1:10). Kit jilkʼon ta kʼimáʼ ani expidh kit kʼalej max chubax a yéjenchal (Mt 10:16). Max axi kʼeʼatchik in yéjenchal jantʼoj, ka tólmiy (Ro 12:13).

TALBÉL TA TSUʼÚMAL AN VIDEO ¿IT KʼWAJAT TʼOJOJODH ABAL JUN I KʼIBATALÁB?, KA TÓKʼTSIY AXÉʼ XI KONOWIXTALÁBCHIK:

• ¿Jantʼiniʼ in éjtowal tu ku tólmiy a Jehová tam i tamtémits jun i kʼibataláb?

• ¿Jantʼoj i éjtowal ki tʼajaʼ abal ku kʼwajiyits tʼojojodh?

• ¿Jantʼiniʼ i éjtowal ki tólmiy axi kʼeʼat?