Ku kʼwajiy tʼojojodh kom u kʼwajilits tin taltal axéʼ an xeʼtsintaláb

I exlál abal an kʼibataláb neʼetsej ka yaney kom «axéʼ xi xeʼtsintaláb weʼits neʼets ka talabedháj» (2Ti 3:1; nwtsty nota de estudio abal Mt 24:8). A Jehová wilkʼidh tu pidhál i exobchixtaláb abal jantʼiniʼ ki béletnaʼ ti baʼ tam u watʼel jun i yajchiktaláb. Max xowéʼ ku tʼójojonits ani ki tsápnanchij ku utey kʼal a Jehová, neʼets ki ejtow ki kʼaniy i ejatal tam ka watʼey jun i yajchiktaláb (Lu 16:10).

• Kit tʼojojon abal ka koʼoy jun i alwaʼ jaʼubtaláb kʼal a Jehová. Ka ujnaʼ ka ajiy an Biblia ani kit exobláts ta kwetemtal. Ka aliy pilchik jantʼiniʼ kit olnomáts. Yab kit jikʼey max xowéʼ yab a éjtowal kit kʼwajiy kʼal an epchalchik axi ti tamkuntaláb (Is 30:15). Ka tʼilaʼ abal a Jehová ani a Jesús etsʼey neʼets ti tólmiy (od-S 175, 176 párrs. 15-17).

• Kit tʼojojon. Kwaʼal ka koʼoy tʼojojodh an mochilas de emergencia, pero jayej kwaʼal ka dhayaʼ weʼ i kʼapnél, i jaʼ, i ilál ani kʼeʼat jantʼoj axi neʼets ka yéjenchij abal max kwaʼal kit jilkʼon yan a itsʼ ta kʼimaʼ (Pr 22:3; g17.5-S 4, 6).

TALBÉL TA TSUʼÚMAL AN VIDEO KU TʼOJOJON ABAL TAM KA WATʼEY JUN I YAJCHIKTALÁB, ¿JANTʼINIʼ?, KA TÓKʼTSIY AXÉʼ XI KONOWIXTALÁBCHIK:

• 

  ¿Jantʼiniʼ i éjtowal ku utey más kʼal a Jehová biyat yabayej u watʼel jun i yajchiktaláb?

• 

  ¿Jaleʼ ti exbadh...

  • ... abal ku kʼwajiy lej junkudh kʼal an ókʼnomchik?

  • ... ki exlaʼ jantʼoj neʼets ki lej yéjenchij?

  • ... ki tʼilaʼ jantʼoj tam yajchiktaláb awil ka watʼey ti kwenchalil ani jantʼoj neʼets ki tʼajaʼ?

• 

  Ka ólnaʼ ox i tʼiplab abal jantʼiniʼ i éjtowal ku tólmixin.

KA KONOWIY TA BAʼ: «¿Jantʼiniʼ tin tolmiyámal an COVID-19 abal ku exóbnaʼ kin kʼwajiy alwaʼ tʼojojodh?».