¿Jantʼiniʼ más a léʼ ka tʼojonchij a Jehová ban támub 2024?

An ayláb axi i punuwal tin bichówil a Jehová, játs kom i léʼ ki tʼojonchij más ani i léʼ abal Jajáʼ kin atsʼaʼ más kulbél. In lej tomnál ki tsápnanchij ki bajuw jun i ayláb kom nixéʼ tu tólmiyal abal ku utey más kʼal a Jehová (1Ti 4:15). ¿Jaleʼ ti alwaʼ ki tsalpay kʼal an ayláb axi i léʼ ki bajuw? Kom i ejatal neʼets ti jalkʼunal ani kwaʼal ki tsalpay max neʼetsej ki bajuw jun i ayláb axi i tsalpayámal. O walám i bájuwits an ayláb ani i éjtowal ki tsalpay kʼal kʼeʼat.

Lej weʼits neʼets ka tujey an tʼojláb axi i tʼajál ban támub 2024, jaxtám lej exbadh ki tsálpayits kʼal an ayláb axi i léʼ ki bajuw. Ban kʼakʼnaxtaláb kʼal a yanél a éjtowal ka tʼilaʼchik jantʼoj tam ayláb a éjtowal ka bajuw. Ka tʼilaʼchik jantʼoj tam ayláb a éjtowal ka bajuw junchik ta eb ani jantʼiniʼ i yaneláb.

¿Jantʼoj a tsalpayámal ka tʼajaʼ abal ka bajuw axéʼchik xi ayláb?