AJUMTALÁB 17

Ka eyendhaʼ i káw axi patal in exbayal

1 Corintios 14:9

RESUMEN: Ka tólmiy jitaʼchik ti atsʼál abal kin exbay jawaʼ kʼwajat a exóbchal.

Ka lupudh exóbnaʼ jawaʼ neʼets ka olnaʼ. In tomnál ka exbay alwaʼ an exobchixtaláb axi neʼets ka tejwamédhaʼ abal ka wilkʼaʼ kʼal i káw axi yab kʼibat ka éxbayat ani ta kwetém káwintal.
Ka olnaʼ i tsalapchik kʼal wéʼ i káw ani kʼal i káw axi ka éxbayat dhubat. Alwaʼ max a léʼ ka eyendhaʼ i tsalap wéʼ nakat, pero más tekedh ka uluw kʼal wéʼ i káw an tsalapchik axi más exbadh.

Yab ka uluw i káw axi yabáts kwaʼal kin tsuʼuw kʼal an exobchixtaláb kom walám yab neʼets kin exbay jitaʼ ti otsʼówiyal. Yab ka eyendhaʼ i káw axi kʼibat ka éxbayat. Más alwaʼ ka eyendhaʼ i káw axi jitákits in exbayal.
Ka wilkʼaʼ jantʼoj in léʼ kin uluw jún i káw axi yab u lej exláb. Yab ka lej eyendhaʼ i káw axi yab u lej exláb. Max neʼets kit káwin tin kwéntaj jún i atikláb axi ti biyál, jún i tʼajbiláb axi u ujnábak ka tʼajan, o jún i lejbaxtaláb axi yabáts u eyendháb xowéʼ, ka wilkʼaʼ wéʼ tin kwéntaj nixéʼ, abal jitaʼchik ti atsʼál kin exbay alwaʼ.