Ki tólmiy an exóbalchik abal ka kʼalej ti tamkuntaláb

Lej exbadh ku tamkun abal ki kʼakʼnaʼ a Jehová (Sl 22:22). Patal jítaʼchik u támkunal abal kin kʼakʼnaʼ a Jehová u kʼwajílchik lej kulbél ani in bátsʼuwal yan i lablixtaláb (Sl 65:4). An exóbalchik kʼal an Biblia más dhubat in takuyal kin tʼojonchij a Jehová max ki kaniy ti tamkuntaláb.

¿Jantʼiniʼ a éjtowal ka tólmiy an exóbalchik abal ka kʼalej ti tamkuntaláb? Wilkʼidh ka kaniy. Ka tejwamédhanchij an video ¿Jantʼoj u tʼajnal al jún i Atáj Tamkuntaláb? ani ka ólchij jantʼoj tam lablixtaláb neʼets kin bátsʼuw (lff ajumtaláb 10). A éjtowal ka ólchij jantʼoj axi a exóbnaʼ ti tamkuntaláb o ka tʼilchij jantʼoj neʼets ka exobnáj axi júnakej an tamkuntaláb. Ka pidhaʼ an exóbal an publicaciones axi neʼets ka eyendháj ban tamkuntaláb, o ka ólchij an aplicación JW Library^® juʼtáj tin ulal «Reuniones». Walám a éjtowal kit watʼey ka ikʼiʼ abal junax ki kʼalej ti tamkuntaláb. Tam an exóbal ka kʼalej kʼaʼál ti tamkuntaláb, tatáʼ neʼets ka tʼajaʼ ti kwéntaj abal in kwaʼal yan in jalbíl an tsapláb axi a tʼajaʼ kom a tólmiy abal ka kʼalej ti tamkuntaláb (1Co 14:24, 25).

TALBÉL TA TSUʼÚMAL AN VIDEO KI TÓLMIY AN EXÓBALCHIK ABAL KA KʼALEJ TI TAMKUNTALÁB, KA TÓKʼTSIY AXÉʼCHIK XI KONOWIXTALÁB:

• 

  ¿Jantʼoj in tʼajaʼ a Rita abal kin kaniy a Coral ti tamkuntaláb?

• 

  ¿Jaleʼ ti atsʼál u lej kulbél tam jun i exóbal kʼal an Biblia tu junál ti tamkuntaláb?

• 

  ¿Jantʼiniʼ tin atsʼaʼ a Coral tam ti kʼaʼál kʼalej ti tamkuntaláb?