ՍԱՂՄՈՍ

129 Հիմա Իսրայէլ թող ըսէ.

«Իմ մանկութենէս ի վեր շատ անգամ զիս նեղեցին։

 2 Իմ մանկութենէս ի վեր շատ անգամ զիս նեղեցին,

Բայց ինծի չյաղթեցին։

 3 Հերկողները իմ կռնակիս վրայ հերկեցին

Ու իրենց ակօսները երկնցուցին»։

 4 Տէրը արդար է.

Անիկա ամբարիշտներուն չուանները կտրտեց։

 5 Բոլոր Սիօնը ատողները

Պիտի ամչնան ու ետ դառնան.

 6 Տանիքին վրայի խոտին պէս պիտի ըլլան,

Որ դեռ չփրցուած կը չորնայ։

 7 Հնձողը չի կրնար իր ձեռքը լեցնել անով,

Ոչ ալ խուրձ կապողը՝ իր գոգը։

 8 Անցնողները չեն ըսեր.

«Տէրոջը օրհնութիւնը ձեր վրայ ըլլայ

Ու ձեզ Տէրոջը անունովը կ’օրհնենք»։