ՍԱՂՄՈՍ

70 Ո՛վ Աստուած, զիս փրկելու կամք ըրէ.

Ո՛վ Տէր, ինծի օգնելու արտորա՛։

 2 Թող ամչնան ու խայտառակ ըլլան

Իմ անձս փնտռողները։

Ետ դառնան ու ամօթով ըլլան

Ինծի չարիք ուզողները։

 3 Թող ամչնալով* ետ դառնան

Անոնք որ ինծի «Վա՛շ, վա՛շ» կ’ըսեն։

 4 Ամէն քեզ փնտռող

Քեզմով թող ցնծայ եւ ուրախանայ

Եւ քու փրկութիւնդ սիրողները

Ամէն ժամանակ թող ըսեն. «Աստուած թո՛ղ մեծնայ»։

 5 Բայց ես աղքատ ու տնանկ եմ,

Ո՛վ Աստուած, շուտով հասի՛ր ինծի։

Իմ օգնականս ու փրկիչս դուն ես,

Ո՛վ Տէր, մի՛ ուշանար։