Նիւ Եորք քաղաքէն ի՛նչ բանի կը կարօտնայ
ՀՈՍ տեսնուած ցուցատախտակը 1950–ական թուականներէն ի վեր, աչքառու կերպով ցուցադրուած է Դիտարանի Ընկերութեան գործարաններէն մէկուն վրայ, Պրուքլինի մէջ, Նիւ Եորք։ Գործի գացող–եկողներու, զբօսաշրջիկներու, եւ անցորդներու վերյիշեցում կը տրուի որ ամէն օր Աստուածաշունչը կարդան։ Վկայ պատանուհիի մը կողմէ ստացուած հետեւեալ նամակը ցոյց կու տայ այս վերյիշեցումին ազդու ըլլալը։
«Դասընկերուհիի մը հետ կը խօսակցէի թէ երկրորդական վարժարանը աւարտելէս ետք ծրագիրներս ի՛նչ էին։ Սկսայ խօսիլ Պէթէլի՝ Եհովայի Վկաներու կեդրոնատեղիին մասին, եւ ան շատ ոգեւորուեցաւ։ Ան ըսաւ թէ իր ամբողջ կեանքը Նիւ Եորք քաղաքին մէջ անցուցած էր։ Իր ընտանիքը շատ կրօնասէր չէր, բայց ամէն առաւօտ երբ իր պատուհանէն դուրս նայէր, ցուցատախտակ մը կը տեսնէր, որու վրայ գրուած էր՝ ‘Աստուծոյ Խօսքը՝ Սուրբ Աստուածաշունչը՝ Կարդացէ՛ք Ամէն Օր’։ Ուստի, ամէն օր դպրոց մեկնելէն առաջ իր Աստուածաշունչը կը կարդար։
«Ան ըսաւ որ Նիւ Եորք քաղաքէն հեռանալէ ետք, ամէն զարթնելուն Աստուածաշունչ կարդալու այդ վերյիշեցումը տեսնելը կը կարօտնար։ Բայց Դիտարանի շէնքին վրայ եղող այդ ցուցատախտակին պատճառաւ, Աստուածաշունչ կարդալը սովորութիւն մը եղած էր, հետեւաբար, ան կը շարունակէ ամէն օր Աստուածաշունչը կարդալ»։
Օրը սկսելու լաւագոյն կերպն է Աստուծոյ Խօսքէն հատուած մը կարդալ։ Այսպէս ընելով, վստահօրէն պիտի սկսիք գնահատել Պօղոս առաքեալի խօսքերը. «Սուրբ գրքերը . . . կրնան իմաստուն ընել քեզ փրկուելու Քրիստոս Յիսուսին վրայ եղած հաւատքովը»։—Բ. Տիմոթէոս 3։15-17