Ծնողներ՝ ուսուցիչի մը կանխադատութեան դէմ կ’առարկեն
Քասսանօ Մուրճէի մէջ, Իտալիա, նախակրթարանի ուսուցիչ մը իր աշակերտներէն ոմանց պիտակներ տուաւ տուն տանելու համար։ Այս պիտակները, որոնք դրան վրայ փակցուելու միտումով տրուած էին, հետեւեալ նշմարը կը բովանդակէին. «Մենք Կաթողիկէ ենք։ Եհովայի Վկաներէն կը խնդրուի այս դուռը չզարնել»։
Աշակերտներուն ծնողներէն ոմանք՝ թէեւ Եհովայի Վկաներ չեն՝ ուսուցիչին արարքին դէմ բուռն կերպով առարկեցին։ Մուօվիթի Մուօվիթի լրատու պարբերաթերթին համաձայն, ծնողները առարկեցին թէ ‘զաւակներուն այս տեսակի պատգամ մը տալը, պատճառ կ’ըլլայ որ անոնք մերժեն ոեւէ անհատ որ իրենց նման չի մտածեր՝ կամ չընդունին մէկը որ «տարբեր» կրօնքի կը պատկանի’։ Ծնող մը, որ այս պարբերաթերթին նամակ մը ուղարկեց, պիտակը կոչեց «որոմի սերմ, տգիտութեան ու տխմարութեան արդիւնք»։
Ինչպէս այս տեղեկագրութիւնը ցոյց կու տայ, ողջախոհ անհատներ կանխադատումի սերմեր ցանելու վտանգներուն կը գիտակցին։ Անոնք նաեւ կը յարգեն Իտալիոյ եւ համայն աշխարհի մէջ Եհովայի Վկաներուն կողմէ կատարուած քրիստոնէական քարոզչութիւնը։ Ինչո՞ւ Եհովայի Վկաներուն չհարցնել ‘իրենց ունեցած յոյսին մասին’։ Անոնք այս հարցին շուրջ «երկիւղածութեամբ» ձեզի հետ խօսիլ պիտի փափաքին։—Ա. Պետրոս 3։15