Ծանուցումներ

◼ Ներկայացուելիք գրականութիւններ Նոյեմբերին. Թագաւորութեան Լուրեր Թիւ 36–ի ցրուումը պիտի շարունակուի։ Այն ժողովքները, որոնք իրենց թաղամասը վերջացուցած են իւրաքանչիւր բնակարանի տանտէրներուն օրինակ մը տալով Թագաւորութեան Լուրեր Թիւ 36–էն, կրնան ներկայացնել՝ Ի՛նչ կը Պահանջէ գրքոյկը կամ՝ Գիտութիւն գիրքը։ Եթէ մարդիկ արդէն ունին ասոնք, կարելի է գործածել Յաւիտեան Ապրիլ գիրքը։ Դեկտեմբերին. Գիտութիւնը որ Յաւիտենական Կեանքի կ’Առաջնորդէ։ Յունուարին. 1986–էն առաջ հրատարակուած որեւէ 192 էջնոց գիրք՝ որ ժողովքը ունի։ Փետրուարին. Որեւէ 192 էջնոց հին գիրք, որ ժողովքը ունի։

◼ Թագաւորութեան Լուրեր թերթիկին արշաւը ամբողջանալէն ետք, ժողովքներ որ տակաւին Թագաւորութեան Լուրեր Թիւ 36–էն ունին, կրնան քաջալերել հրատարակիչները որ զանոնք թղթիկներուն նման գործածեն՝ կա՛մ տունէ տուն, կա՛մ այլ կերպով։ Եթէ յանձնարարելի է, հրատարակիչներ կրնան տունը չեղողներուն օրինակ մը ձգել, պայմանաւ որ անցորդներու կողմէ նկատելի չըլլայ։ Պէտք է ջանալ այս կարեւոր պատգամին մնացեալ բոլոր օրինակները բաշխել։

◼ Դեկտեմբեր 1–ին կամ անկէ անմիջապէս ետք, վերակացու տեսուչը, կամ իր կողմէ որոշուած անհատ մը, ժողովքին հաշիւները պէտք է ստուգէ։ Ասիկա ընելէն ետք, ժողովքին ծանուցում մը ըրէք, հաշիւի յաջորդ տեղեկագիրը ներկայացնելէն ետք։

◼ Ժողովքները պէտք է սկսին ապսպրել Եհովայի Վկաներու 2001–ի Տարեգիրք–ը, Նոյեմբերի իրենց գրականութեան խնդրագրին հետ։ Տարեգիրք–ը մատչելի պիտի ըլլայ հետեւեալ լեզուներով. Ալպաներէն, Անգլերէն, Արաբերէն, Գերմաներէն, Դանիերէն, Իտալերէն, Լեհերէն, Խրուաթերէն, Հոլանտերէն, Հունգարերէն, Ճափոներէն, Յունարէն, Նորվեկերէն, Շուէտերէն, Չեխերէն, Չինարէն, Ռումաներէն, Ռուսերէն, Սերպերէն, Սլովաքերէն, Սպաներէն, Փորթուկալերէն, Քորէայերէն, Ֆինլանտերէն, եւ Ֆրանսերէն։ Մինչեւ որ Տարեգիրք–ը մատչելի ըլլայ եւ անոր առաքումը կատարուի, անիկա ժողովքի ծրարումի ցանկերուն վրայ «Առկախուած» պիտի մնայ։ Տարեգիրք–երը մասնայատուկ ապսպրանքներ են։

◼ Մատչելի Նոր Գրականութիւններ.

Աստուածաշունչ—Արեւելահայերէն, Ուրտույերէն

Աստուծոյ Իրապէս Ենթարկուելու Ժամանակը (Մահմետականներու համար)—Մակեդոներէն, Ուոլոֆերէն

Ընտանեկան Ուրախութեան Գաղտնիքը—Լաոսերէն, Միանմար, Շօնա, Սերպերէն

Մեզի Հոգ Տանող Ստեղծիչ մը Կա՞յ —Սլովաքերէն

Յիսուս Քրիստոս Ո՞վ Է (Թերթիկ Թիւ 24)—Լիթուաներէն, Մակեդոներէն, Սուահիլի

Ուշադրութիւն Ընծայեցէ՛ք Դանիէլի Մարգարէութեան—Իպօ, Մակեդոներէն

Ցարդ Ապրած Մեծագոյն Մարդը—Ամհարիգերէն, Թոնկայերէն, Հայերէն