Հարցումի տուփ

◼ Ե՞րբ պատշաճ է Աստուածաշունչի ուսումնասիրութիւն մը դադրեցնել։

Եթէ աշակերտ մը դադրի հոգեւորապէս յառաջդիմելէ, թերեւս հարկ ըլլայ որ փափկանկատօրէն անոր հետ ուսումնասիրելէ դադրիս (Մատ. 10։11)։ Հետեւեալը նկատի առ. արդեօք ան ուսումնասիրութեան ժամադրութիւնը կը յարգէ՞։ Իր դասը նախապէս կը պատրաստէ՞։ Ժողովներէն ոմանց ներկայ կը գտնուի՞։ Իր սորվածները ուրիշներուն հետ կը բաժնէ՞։ Իր ապրելակերպին մէջ կը մտցնէ՞ փոփոխութիւններ, որոնք Աստուածաշունչի սկզբունքներուն հետ ներդաշնակ են։ Անշուշտ հաշուի առ անոր տարիքը եւ կարողութիւնները, որովհետեւ ամէն անհատ տարբեր արագութեամբ կը յառաջդիմէ։ Նաեւ, եթէ ուսումնասիրութիւնը դադրեցնես, դուռը բաց պահէ որ ապագային կարելիութիւն ըլլայ դասը վերսկսելու (Ա. Տիմ. 2։4)։