Եգիպտոսի ազատագրումէն մինչեւ Իսրայէլի առաջին թագաւորը

Մովսէս Իսրայելացիները Եգիպտոսի գերութենէն դուրս հանելով Սինա լեռ առաջնորդեց, ուր Աստուած անոնց տուաւ իր օրէնքները։ Ապա, Մովսէս 12 մարդ ղրկեց որպէսզի լրտեսեն Քանանու երկիրը։ Սակայն անոնցմէ տասն վերադարձան գէշ տեղեկագրութեամբ, որու պատճառով ժողովուրդը ուզեց Եգիպտոս դառնալ։ Իրենց անհաւատութեան պատճառով, Աստուած պատժեց Իսրայելացիները, զիրենք 40 տարի անապատին մէջ թափառեցնելով։

Վերջապէս, Յեսուն ընտրուեցաւ Իսրայելացիները Քանանու երկիրը առաջնորդելու համար։ Աստուած հրաշքներով անոնց օգնեց որ երկիրը գրաւեն։ Ան պատճառ եղաւ որ Յորդանան Գետը հոսելէ դադրի, Երիքովի պարիսպները իյնան, ինչպէս նաեւ արեւը մարը չմտնէ ամբողջ օր մը։ Վեց տարի ետք, անոնք երկիրը գրաւեցին Քանանացիներու ձեռքէն։

Յեսուէ սկսեալ, Իսրայելացիները 356 տարի Դատաւորներու կողմէ կառավարուեցան։ Յաջորդ էջերուն մէջ կը սորվինք Բարակին, Գեդէօնին, Յեփթայէին, Սամփսոնին եւ Սամուէլին մասին։ Նաեւ կը կարդանք կարգ մը կիներու մասին, որոնցմէ են՝ Ռախաբ, Դեբօրա, Յայէլ, Հռութ, Նոեմի եւ Դալիլա։ ԵՐՐՈՐԴ Մասը 396 տարուայ պատմութիւն մը կը ծածկէ։