Ո՞վ է ճշմարիտ Աստուածը

Միայն մէկ ճշմարիտ Աստուած կայ, եւ անոր անունը Եհովա է (Սաղմոս 83։18)։ Ան Հոգի է. զինք չենք կրնար տեսնել։ Ան մեզ կը սիրէ եւ կ’ուզէ որ մենք ալ զինք սիրենք։ Ան նաեւ կ’ուզէ որ ուրիշները սիրենք (Մատթէոս 22։35-40)։ Ան Գերագոյն Էակն է, բոլոր բաներուն Ստեղծիչը։

Աստուծոյ առաջին ստեղծագործութիւնը հոգեղէն զօրաւոր անձ մըն էր, որ յետագային ճանչցուեցաւ որպէս Յիսուս Քրիստոս։ Եհովա նաեւ հրեշտակները ստեղծեց։

Եհովա ստեղծեց ամէն ինչ որ երկինքին մէջ է. . . եւ երկրին վրայ է (Յայտնութիւն 4։10բ)։

Եհովա Աստուած ստեղծեց աստղերը, երկիրը եւ ամէն ինչ որ ատոր վրայ կայ (Ծննդոց 1։1)։

Ան Ադամը՝ առաջին մարդը, գետնին հողէն շինեց (Ծննդոց 2։7)։