Մեծ Ջրհեղեղէն ի՞նչ կը սորվինք

Աստուած չարերը կործանեց, բայց Նոյը եւ անոր ընտանիքը ազատեց (Ծննդոց 7։11, 12, 23)։

Քառասուն օր ու 40 գիշեր անձրեւ եկաւ, եւ ջուրերը ամբողջ երկիրը ծածկեցին։ Բոլոր չար մարդիկը մեռան։

Ըմբոստ հրեշտակները իրենց մսեղէն մարմինները թողուցին եւ դեւեր դարձան։

Տապանին մէջ եղողները վերապրեցան։ Թէեւ Նոյ եւ իր ընտանիքը ի վերջոյ մեռան, բայց Աստուած զանոնք ետ կեանքի պիտի բերէ՝ յաւիտեան ապրելու հեռանկարով։

Աստուած դարձեալ չարերը պիտի բնաջնջէ եւ բարի մարդիկը պիտի ազատէ (Մատթէոս 24։37-39)։

Սատանան եւ դեւերը կը շարունակեն մարդիկը մոլորեցնել։

Այսօր, ինչպէս որ էր պարագան Նոյի օրերուն, շատեր Եհովայի սիրալիր ուղղութիւնը կը մերժեն։ Մօտ ատենէն, Եհովա բոլոր չարերը պիտի բնաջնջէ (Բ. Պետրոս 2։5, 6)։

Ոմանք Նոյի պէս են։ Անոնք Աստուծոյ մտիկ կ’ընեն եւ կը կատարեն ինչ որ կ’ըսէ. անոնք Եհովայի վկաներն են։