Ապագան ինչպէ՞ս կը դիտես

ՍՈՒՐԲ ԳԻՐՔԸ Կ’ԸՍԷ

«Աստուած. . . անոնց աչքերէն բոլոր արցունքները պիտի սրբէ եւ ա՛լ մահ պիտի չըլլայ։ Ո՛չ սուգ եւ ո՛չ աղաղակ եւ ո՛չ ցաւ պիտի ըլլայ ասկէ յետոյ, վասն զի առաջուան բաները անցան» (Յայտնութիւն 21։3, 4, Արեւմտահայերէն Աստուածաշունչ)։

ԱՍԻԿԱ Ի՛ՆՉ ԿՐՆԱՅ ՆՇԱՆԱԿԵԼ ՔԵԶԻ ՀԱՄԱՐ

Իմաստալից եւ գոհացուցիչ աշխատանք (Եսայի 65։21-23)։

Այլեւս ո՛չ հիւանդութիւն եւ ոչ ալ որեւէ տառապանք (Եսայի 25։8. 33։24)։

Ընտանիքի եւ բարեկամներու հետ ուրախ եւ անվերջ կեանք (Սաղմոս 37։11, 29)։

ԻՍԿԱՊԷՍ ԿՐՆԱ՞ՆՔ ՀԱՒԱՏԱԼ ԻՆՉ ՈՐ ՍՈՒՐԲ ԳԻՐՔԸ Կ’ԸՍԷ

Այո՛, նուազագոյնը երկու պատճառներով.

• Աստուած կարողութիւնը ունի այս խոստումը կատարելու։ Սուրբ Գիրքին մէջ, միայն Եհովա Աստուա՛ծ կը կոչուի «Ամենակալ», որովհետեւ ան անսահման զօրութիւն ունի (Յայտնութիւն 15։3)։ Ուստի ան կրնա՛յ լիովին իրագործել իր խոստումը՝ աշխարհը բարեփոխելու։ Ինչպէս որ Սուրբ Գիրքը կ’ըսէ. «Աստուծոյ կողմէ ամէն բան կարելի է» (Մատթէոս 19։26)։

• Աստուած կը փափաքի՛ այս խոստումը կատարել։ Օրինակ, Եհովան կարօտով կը տենչայ մեռելները ետ կեանքի բերել (Յոբ 14։14, 15, Արեւմտահայերէն Աստուածաշունչ՝ ծանօթագրութիւններով)։

  Սուրբ Գիրքը նաեւ ցոյց կու տայ, թէ Աստուծոյ Որդին՝ Յիսուս, հիւանդները բուժեց։ Ինչո՞ւ։ Որովհետեւ փափա՛քը ունէր (Մարկոս 1։40, 41)։ Կարիքաւորներուն օգնել ուզելով, Յիսուս կատարելապէս արտացոլեց իր Հօր անձնաւորութիւնը (Յովհաննէս 14։9)։

  Ուստի կրնանք վստահ ըլլալ, որ թէ՛ Եհովան եւ թէ Յիսուս կ’ուզե՛ն մեզի օգնել որ ուրախ ապագայ մը ունենանք (Սաղմոս 72։12-14. 145։16. Բ. Պետրոս 3։9)։