ԱՍՏՈՒԱԾԱՇՈՒՆՉԸ Ի՞ՆՉ Կ’ԸՍԷ

Մեռելներուն վիճակը ի՞նչ է

ՈՄԱՆՔ Կ’ԸՍԵՆ թէ հոգին մարմինէն դուրս կ’ելլէ եւ կը շարունակէ ապրիլ, մինչ ուրիշներ կը կարծեն որ մահը ամէն բանի վերջ կը դնէ։ Դուք ի՞նչ բանի կը հաւատաք։

ԱՍՏՈՒԱԾԱՇՈՒՆՉԸ Կ’ԸՍԷ

«Մեռելները բան մը չեն գիտեր» (Ժողովող 9։5)։ Երբ մեռնինք գոյութենէ կը դադրինք։

ԱՍՏՈՒԱԾԱՇՈՒՆՉԷՆ ԱՅԼ ԿԷՏԵՐ

• Ադամը երբ մեռաւ ետ հող դարձաւ (Ծննդոց 2։7. 3։19)։ Նոյնպէս բոլոր մեռնողները ետ հող կը դառնան (Ժողովող 3։19, 20)։

• Մեռնողները մեղքէ արդարացած են, այսինքն՝ անոնց մեղքերը ներուած են (Հռովմայեցիս 6։7)։ Ուրեմն մեռնելէ ետք անոնք իրենց մեղքերուն համար չեն պատժուիր։

Կարելի՞ է որ մեռելները դարձեալ ապրին

ՁԵՐ ԿԱՐԾԻՔՈՎ. . .

• Այո

• Ոչ

• Թերեւս

ԱՍՏՈՒԱԾԱՇՈՒՆՉԸ Կ’ԸՍԷ

«Յարութիւն պիտի ըլլայ» (Գործք 24։15)։

ԱՍՏՈՒԱԾԱՇՈՒՆՉԷՆ ԱՅԼ ԿԷՏԵՐ

• Աստուածաշունչը յաճախ մահը քունի կը նմանցնէ (Յովհաննէս 11։11-14)։ Աստուած կրնայ մեռելները արթնցնել, ճիշդ ինչպէս որ մենք կրնանք քնացած անհատ մը արթնցնել (Յոբ 14։13-15)։

• Աստուածաշունչին մէջ զանազան յարութիւններ արձանագրուած են։ Ասիկա մեզի վաւերական պատճառ կու տայ հաւատալու, թէ մեռելները յարութի՛ւն պիտի առնեն (Գ. Թագաւորաց 17։17-24. Ղուկաս 7։11-17. Յովհաննէս 11։39-44)։