Անոնց Կենսական Արժէքին Գիտակից Ըլլանք Հոկտեմբեր Ամսուան Ընթացքին
1 Աստուածաշունչին հիման վրայ պատրաստուած պարբերաթերթերն ու գրքոյկները կը պարունակեն յաւիտենական բարի լուրին սփոփիչ ու սրտապնդիչ պատգամը։ Անոնց կենսական արժէքին գիտակից ըլլալը կը պարփակէ ժամանակ յատկացնել զանոնք զգուշօրէն կարդալու եւ նկատի առնել թէ յօդուածները ինչպէ՛ս կրնան կոչ ընել մեր թաղամասին մէջ եղող մարդոց։
2 Նախ, ամբողջ պարբերաթերթին կամ գրքոյկին հետ քաջածանօթ եղէք։ Ընտրեցէք այն յօդուածները կամ կէտերը որ կը զգաք թէ կրնան կոչ ընել ձեր թաղամասին մէջ եղող մարդոց։ Անոնք գլխաւորաբար մէ՞կ կրօնքի կը պատկանին։ Ի՞նչ են անոնց գլխաւոր հետաքրքրութիւնները։ Այս խորհուրդները ի մտի ունենալով, պէտք է կարենաք ազդեցիկ ներկայացում մը պատրաստել, յիշելով որ գրականութիւններ տեղաւորելը սահմանափակուած է վերայցելութիւններուն եւ Աստուածաշունչի ուսումնասիրութիւններուն։ Նկատի առէք վարը ուրուագծուած ներկայացումները։
3 Եթէ կը ծրագրէք 1 Հոկտեմբեր «Դիտարան»ը [Արաբ.] ներկայացնել վերայցելութեան ատեն, կրնաք առաջին հանդիպումին ցցուն ընել կարգ մը կէտեր որոնք առնուած են «Աստուածաշունչը—Ի՞նչ Է Անոր Իրական Արժէքը» յօդուածէն։ Կրնաք ըսել.
◼ «Շատեր, որոնք Աստուածաշունչ մը ունին իրենց տան մէջ, կը զգան թէ անիկա կը պարունակէ մասնաւոր արժէք ունեցող բան մը»։ Ապա կրնաք ուղղակի հարցում մը հարցնել, ինչպէս. «Ի՞նչ բան կը խորհիք որ Աստուածաշունչը անզուգական կը դարձնէ», կամ՝ «Ի՞նչ բան կը խորհիք որ պիտի օգնէ աւելի անհատներու որ Աստուածաշունչէն օգտուին»։ Տանտիրոջ պատասխանէն ետք, կրնաք յարմար նշմարներով շարունակել, ինչպէս. «Ջախջախիչ ապացոյց կայ փաստելու համար թէ Աստուածաշունչը Աստուծոյ կողմէ ներշնչուած է եւ վստահելի ուղեցոյց մըն է մեզի համար։ Անիկա այն գիտութիւնը կը պարունակէ որ կրնայ մեզ յաւիտենական կեանքի առաջնորդել»։ Կարդացէք Յովհաննու 17։3։ Ետքը, յօդուածէն յարմար կէտեր աչքառու դարձուցէք։ Խոստացէք պարբերաթերթը բերել յաջորդ անգամ։
4 Եթէ կը մտածէք «Կառավարութիւն» գրքոյկը [Արաբ.] տեղաւորել, թերեւս կը նախընտրէք ասոր նման մօտեցում մը.
◼ «Յիսուս մեզի սորվեցուց աղօթել որ Աստուծոյ Թագաւորութիւնը գայ եւ Իր կամքը ըլլայ ինչպէս երկինքը՝ նոյնպէս երկրի վրայ։ Կը խորհի՞ք որ եթէ Աստուծոյ կամքը երկրի վրայ կատարուի, երկրագունդը իրապէս դրախտ մը կ’ըլլայ»։ Տանտիրոջ պատասխանէն ետք, կարդացէք Յայտնութիւն 21։3-5։ Ապա կրնաք հարցնել. «Աստուած ի՞նչ բանի միջոցաւ պիտի ձգէ որ իր կամքը կատարուի հոս երկրի վրայ»։ Խոստացէք այն գրքոյկը բերել որ մեծապէս կ’օգնէ պատասխանը գիտնալու։
5 22 Հոկտեմբեր «Զարթի՛ր»ը կը քննէ սուտ կրօնքին ձախողութիւնը ցոյց տուող շատ մը ապացոյցներէն մէկը։ «Երբ Կրօնքը Պատերազմի Ատեն Կողմ կը Բռնէ» մասին եղած յօդուածներուն հիման վրայ, կրնաք այս հարցումը ուղղել.
◼ «Ինչպէ՞ս կը խորհիք որ Աստուած պիտի զգար մեր շուրջ եղած բռնութեան հանդէպ։ [Թոյլ տուէք որ պատասխանէ։] Որպէս սիրոյ Աստուածը, ան մեզի սորվեցուց որ ամէն անհատ սիրենք, նոյնիսկ մեր թշնամիները։ [Կարդացէք Մատթէոս 5։45, 46։] Այսուհանդերձ, ճշմարիտ ըլլալ դաւանող շատ մը կրօնքներ կողմ կը բռնեն քաղաքական պայքարներուն մէջ։ Ինչպէ՞ս կը խորհիք որ անիկա կ’ազդէ այն անհատներուն որոնք կ’ուզեն Աստուծոյ սորվեցուցածին համաձայն ապրիլ»։ Թոյլ տուէք որ պատասխանէ։ Նկատի առէք կապ ունեցող կէտեր յօդուածներուն մէջ եւ խոստացէք պարբերաթերթէն օրինակ մը բերել յաջորդ այցելութեան։
6 Պարբերաթերթերուն եւ գրքոյկներուն օգնութեամբ, կրնանք մեր տեղական թաղամասին մէջ շատ մը մարդոց պատեհութիւնը տալ որ գործնական օգնութիւն ստանան գտնելու համար իրական յոյսը Աստուածաշունչին մէջ։ Այս արժէքաւոր գործիքները գործածենք կարելի եղած ամէն կերպով մեր նմաններուն օգտին համար։