Նահանգային եւ Միջազգային Համաժողովները Մեզ կը Խթանեն որ Աստուծոյ Փառք Տանք

Մինչեւ օրս տեղի ունեցած «Աստուծոյ Փառք Տանք» խորագրով Նահանգային ու Միջազգային Համաժողովները սքանչելի վկայութիւն մը տուած են։ Աստուածպետական այս յատկանշական առիթները, Եհովայի անունը պանծացնելու եւ ‘իր անուան փառքը իրեն տալու’ մեր կարողութիւնը բարելաւելու ծառայած են։ (Սաղմ. 96։8) Իրապէս ան փառաբանութեան արժանի է իր սքանչելի ստեղծագործութիւններուն համար, որոնք իր հոյակապ յատկութիւնները կ’արտացոլացնեն։—Յոբ. 37։14. Յայտ. 4։10

Հետեւեալ հարցումները եւ ձեր անձնական նոթերը գործածելով, պատրաստուեցէք ու մասնակցեցէք համաժողովի յայտագրի վերաքաղին, որ տեղի պիտի ունենայ Հոկտեմբեր 20–ով սկսող շաբթուան ընթացքին։

1. Անկենդան ստեղծագործութիւնը ի՞նչպէս Աստուծոյ փառքը կը պատմէ, եւ ասիկա ի՞նչպէս տարբեր է այն կերպէն, որով մարդիկ զինք կը փառաբանեն։ (Սաղմ. 19։1-3. «Ստեղծագործութիւնը Աստուծոյ Փառքը կը Պատմէ»)

2. Այլակերպութիւնը ի՞նչ ներկայ իրողութիւն կը նախապատկերացնէ, եւ Քրիստոնեաները այս իրողութեամբ ի՞նչպէս կը խթանուին։ (Գլխաւոր դասախօսութիւն՝ «Փառաւոր Մարգարէական Տեսիլքներ Մեզ կը Խթանեն»)

3. Ի՞նչպէս կրնանք Դանիէլ մարգարէին ցուցաբերած խոնարհութիւնը մշակել, եւ ասիկա ընելով ի՞նչպէս պիտի օգտուինք։ (Դան. 9։2, 5. 10։11, 12. «Եհովայի Փառքը Խոնարհներուն կը Յայտնուի»)

4. (ա) Ամովսի մարգարէութենէն ի՞նչ երեք բաներ կը սորվինք աստուածային դատաստանի մասին։ (Ամովս. 1։3, 11, 13. 9։2-4, 8, 14) (բ) Ներկայիս Եհովայի Վկաները ի՞նչ գործնական դաս մը կրնան քաղել Ամովսայ 2։12–ի մէջ յիշուած ազդարարական օրինակէն։ («Ամովսի Մարգարէութիւնը՝ Անոր Պատգամը Մեր Օրերուն Համար»)

5. (ա) Խմիչքի անչափաւոր գործածութեան վտանգները ի՞նչ են, նոյնիսկ եթէ անհատը չի գինովնար։ (բ) Խմիչքի անչափաւոր գործածութեան խնդիրը ի՞նչպէս կարելի է լուծել։ (Մար. 9։42. Եփ. 5։18. «Խմիչքի Չափազանց Գործածութեան Որոգայթէն Խուսափեցէք»)

6. ‘Տեսէ՛ք Բարի Երկիրը’ խորագրով նոր գրականութենէն ի՞նչպէս կ’օգտուիք։ (‘Բարի Երկիրը’՝ Դրախտին Նախաշողը)

7. Ի՞նչ երեք կերպերով կրնանք ‘հայելիի մը պէս Տէրոջը փառքը արտացոլացնել’։ (Բ. Կորն. 3։18. ‘Հայելիի մը Պէս Եհովայի Փառքը Արտացոլացնենք’)

8. Անիրաւ ատելութեան աղբիւրը ի՞նչ է, եւ ի՞նչ բան մեզի կրնայ օգնել մեր ուղղամտութիւնը պահպանելու, հակառակ մեզի հանդէպ ցուցաբերուած ատելութեան։ (Սաղմ. 109։1-3. «Ատուած՝ Առանց Պատճառի»)

9. Մեծութեան հանդէպ Քրիստոսի տեսակէտը ի՞նչ է, եւ անհատ մը ի՞նչպէս կրնայ որոշել թէ այս տեսակէտը աւելի լիովին պէտք է մշակէ։ (Մատթ. 20։20-26. «Մեծութեան Հանդէպ Քրիստոսի Տեսակէտը Մշակենք»)

10. Ի՞նչ բան մեզի կրնայ օգնել հոգեւորապէս զօրաւոր մնալու, հակառակ ֆիզիքական յոգնածութեան։ («Ֆիզիքապէս Յոգնած Բայց Ո՛չ՝ Հոգեւորապէս»)

11. Սատանան ո՞ր կարգ մը գործակալութիւններուն միջոցաւ ստութիւն յառաջ կը մղէ, եւ մեր հաւատքը ապականելու փորձերուն դէմ սուրբ գրային պատշաճ պատասխանը ի՞նչ է։ (Յովհ. 10։5. «‘Օտարներուն Ձայնէն’ Զգուշացէ՛ք»)

12. (ա) Ծնողներ ի՞նչպէս կրնան հետեւիլ Մարկոս 10։14, 16–ի մէջ արձանագրուած Յիսուսի օրինակին։ (բ) Մեծ Ուսուցիչէն Սորվեցէք խորագրով նոր գիրքին ո՞ր երեսակը հաւնեցաք։ («Մեր Զաւակները՝ Թանկագին Ժառանգութիւն մը»)

13. Պատանիները ի՞նչպէս Եհովան կը փառաբանեն։ (Ա. Տիմ. 4։12. «Պատանիները Ի՛նչպէս Եհովան կը Փառաբանեն»)

14. «Խիզախօրէն Վկայել՝ Ի Հեճուկս Հակառակութեան» խորագրով թատերախաղին ո՞ր տեսարանները յատկապէս կը մտաբերէք։

15. Ի՞նչպէս կրնանք ընդօրինակել (ա) Պետրոսի ու Յովհաննէսի օրինակը (Գործք 4։10), (բ) Ստեփանոսի օրինակը (Գործք 7։2, 52, 53), (գ) Առաջին դարու քրիստոնէական ժողովքին օրինակը։ (Գործք 9։31. թատերախաղը եւ «Բարի Լուրը Ծանուցանեցէք ‘Առանց Դանդաղելու’» դասախօսութիւնը)

16. (ա) Վճռած ենք ի՞նչ կերպերով Աստուծոյ փառք տալ։ (բ) «Աստուծոյ Փառք Տանք» խորագրով Համաժողովներուն մեր սորված բաները մինչ կը կիրարկենք, ի՞նչ բանէ կրնանք վստահ ըլլալ։ (Յովհ. 15։9, 10, 16. «‘Շատ Պտուղ Բերէք’՝ Եհովայի Փառքին Համար»)

Համաժողովին ներկայացուած հոգեւոր ընտիր ցուցմունքներուն մասին խոկալով, պիտի մղուինք մեր սորված բաները գործադրելու։ (Փիլ. 4։8, 9) Ասիկա մեր որոշումը պիտի զօրացնէ որ «ամէն բան Աստուծոյ փառքին համար» ընենք։—Ա. Կորն. 10։31