Ներկայացումի նմոյշներ
Յունիս ամսուան առաջին շաբաթ օրը Աստուածաշունչի ուսումնասիրութիւններ սկսելու համար
«Կ’ուզենք ձեզի այս հետաքրքրական հարցումը ուղղել։ [Ցոյց տուր Դիտարան–ի 1 յունիս թիւին 16–րդ էջին առաջին հարցումը։] Ի՞նչ է ձեր կարծիքը»։ Թոյլ տուր որ պատասխանէ։ Միասնաբար նկատի առէք առաջին հարցումին ներքեւ գրուած նիւթը եւ նշուած համարներէն առնուազն մէկը։ Պարբերաթերթերը առաջարկէ եւ յաջորդ հարցումը քննարկելու համար վերադառնալու կարգադրութիւն ըրէ։
Դիտարան 1 յունիս
«Ծխելու պատճառաւ, ամէն տարի շուրջ 6,000,000 մարդ կը մեռնի։ Ձեր կարծիքով այս համաճարակը թեթեւցնելու կերպ մը կա՞յ։ [Թոյլ տուր որ պատասխանէ։] Այս հարցին շուրջ Աստուծոյ տեսակէտը նկատի առնելը բազմաթիւ մարդոց օգնած է, որ ծխելէ դադրին կամ բնաւ այդ վիճակին չմատնուին։ Օրինակ, այս համարը պատճառ դարձած է որ ոմանք մտածեն թէ ծխելը ինչպէ՛ս ուրիշներուն կ’ազդէ։ [Կարդա՛ Ա. Կորնթացիս 10։24։] Այս պարբերաթերթը կը բացատրէ թէ ինչպէ՛ս այս նիւթին շուրջ Աստուծոյ տեսակէտը առնելը կրնայ անհատը մղել, որ ծխելէ դադրի»։
Զարթի՛ր յունիս
«Ընկերային ցանցերը կարելի դարձուցած են որ մարդիկ որեւէ ժամանակէ աւելի այդպէս կոչուած բարեկամներ ունենան։ Ձեր կարծիքով, իսկական բարեկամի մը ամէնէն կարեւոր յատկութիւնը ի՞նչ է։ [Թոյլ տուր որ պատասխանէ։] Նկատի առէք այս համարը որ բարեկամութեան մասին գործնական խրատ մը կու տայ։ [Կարդա՛ Յակոբոս 1։19։] Այս պարբերաթերթը կ’ընդգծէ չորս սկզբունքներ, որոնք կրնան մեզի օգնել ուրիշներուն կողմէ փափաքելի բարեկամ մը դառնալու»։