Ծառայութեան մէջ հմտութիւնդ բարելաւէ. «Յաւիտենական կեանքի հանդէպ ճիշդ տրամադրուած» անհատներուն օգնել որ աշակերտներ դառնան

ԻՆՉՈ՛Ւ ԿԱՐԵՒՈՐ Է։ Եհովան ճշմարտութեան սերմերը կ’աճեցնէ այն մարդոց սրտերուն մէջ, որոնք «յաւիտենական կեանքի հանդէպ ճիշդ տրամադրուած» են (ՆԱ) (Գործք 13։48. Ա. Կոր. 3։7)։ Մենք Եհովային հետ կ’աշխատինք՝ ծառայութեան մէջ կեդրոնանալով անոնց վրայ, որոնք իրենց սորվածին կ’ընդառաջեն (Ա. Կոր. 9։26)։ Աստուածաշունչի աշակերտները պէտք է հասկնան որ մկրտուիլը անհրաժեշտ է փրկուելու համար (Ա. Պետ. 3։21)։ Մենք անոնց կ’օգնենք որ աշակերտներ դառնան, երբ անոնց սորվեցնենք, որ իրենց կեանքին մէջ փոփոխութիւններ ընեն, քարոզեն ու սորվեցնեն եւ իրենց կեանքը Եհովային նուիրեն (Մատ. 28։19, 20)։

ԻՆՉՊԷ՛Ս ՕԳՆԵԼ։

• Աստուածաշունչի աշակերտներուն յիշեցուր, որ իրենց սերտողութեան նպատակն է իրենց օգնել որ Եհովան «ճանչնան» եւ հաճեցնեն (Յովհ. 17։3)։

• Իրենց օգնէ որ հոգեւորապէս յառաջդիմեն կարգ մը խոչընդոտներ յաղթահարելով, ինչպէս գէշ սովորութիւններ եւ վնասակար ընկերակցութիւններ։

• Զիրենք զօրացուր եւ քաջալերէ՝ իրենց մկրտութենէն առաջ եւ վերջ (Գործք 14։21)։

ԴԻՏԷ ԵՀՈՎԱ ԱՍՏՈՒԱԾ ՔԵԶԻ ՊԻՏԻ ՕԳՆԷ ՎԻՏԷՈՆ, ԵՒ ՅԵՏՈՅ ՊԱՏԱՍԽԱՆԷ ԱՅՍ ՀԱՐՑՈՒՄՆԵՐՈՒՆ։

• Անհատը թերեւս ինչո՞ւ վախնայ նուիրուելէ եւ մկրտուելէ։

• Երէցները ինչպէ՞ս կրնան Աստուածաշունչի աշակերտներուն օգնել որ հոգեւորապէս յառաջդիմեն։

• Եսայի 41։10–ն մեզի ի՞նչ կը սորվեցնէ Եհովային մասին։

• Ո՞ր յատկութիւնները մեզի պիտի օգնեն, որ Եհովային ծառայենք ընդունելի կերպով, հակառակ անոր որ անկատար ենք։