ՔՐԻՍՏՈՆԷԱՎԱՅԵԼ ԱՊՐԵԼԱԿԵՐՊ
Ի՞նչ կրնաս սորվիլ յատուկ երգերէն
Ո՞ր յատուկ երգերը ամէնէն շատ կը սիրես։ Ինչո՞ւ ատոնք կը սիրես։ Կը զգա՞ս որ այդ երգերուն վիտէօները կապ ունին մեր ամէնօրեայ կեանքին հետ։ Ատոնք տարբեր տեսակ նիւթեր եւ երաժշտութիւններ ունին. ուրեմն ամէն տեսակ ճաշակի երգ կայ։ Բայց յատուկ երգերը եւ ատոնց վիտէօները միայն զուարճանալու համար չեն։
Ամէն մէկ յատուկ երգ գործնական դասեր կը սորվեցնէ. դասեր՝ որոնք կրնանք գործադրել մեր կեանքին եւ ծառայութեան մէջ։ Կարգ մը երգեր կը կեդրոնանան հիւրասիրութեան, միութեան, բարեկամութեան, քաջութեան, սիրոյ կամ հաւատքի վրայ։ Ուրիշ երգեր կը խօսին Եհովային վերադառնալու, իրարու ներելու, հաւատարիմ մնալու եւ հոգեւոր նպատակակէտեր հետապնդելու մասին։ Նոյնիսկ յատուկ երգ մը կայ հեռաձայնը չափաւոր կերպով գործածելու մասին։ Դո՛ւն ի՞նչ գործնական դասեր քաղած ես յատուկ երգերէն։
ԴԻՏԷ ՆՈՐ ԱՇԽԱՐՀԸ ՇԱՏ ՄՕՏ Է ՅԱՏՈՒԿ ԵՐԳԻՆ ՎԻՏԷՈՆ, ԵՒ ԵՏՔԸ ՊԱՏԱՍԽԱՆԷ ԱՅՍ ՀԱՐՑՈՒՄՆԵՐՈՒՆ.
Տարեց զոյգը ո՞ր ապագայ օրհնութեան մասին կը մտածէ (Ծն. 12։3)։
Ինչպէ՞ս կրնանք մեր հաւատքը զօրացնել, որ Եհովան կրնա՛յ իր խոստումները կատարել։
Շատ շուտով, ի՞նչ ուրախ միութիւններ տեղի պիտի ունենան։
Թագաւորութեան յոյսը ինչպէ՞ս մեզի կ’օգնէ որ հիմակուան դժուարութիւններուն հետ գլուխ ելլենք (Հռով. 8։25)։