Աստուծոյ Թագաւորութիւնը ծանուցանելու յատուկ քարոզարշաւ՝ նոյեմբերին

Յիսուս «Աստուծոյ թագաւորութեան» մասին քարոզեց (Ղուկ. 4։44)։ Ան նաեւ մարդոց սորվեցուց, որ այդ Թագաւորութեան համար աղօթեն (Մատ. 6։9, 10)։ Նոյեմբերին ընթացքին մասնաւոր ջանք պիտի թափենք, որ Աստուծոյ Թագաւորութեան մասին ծանուցանենք (Մատ. 24։14)։ Յայտագիրդ կարգի դիր որ կարենաս լման մասնակցիլ այս արշաւին։ Անոնք, որոնք որպէս օժանդակ ռահվիրայ պիտի ծառայեն, կրնան ընտրել 30 կամ 50 ժամ ծառայել այս ամսուան ընթացքին։

Աստուծոյ Թագաւորութեան մասին համար մը կարդայ կարելի եղածին չափ շատ մարդոց։ Երբ համար մը կ’ընտրես կարդալու, նկատի առ դիմացինին կրօնական ենթահողը։ Եթէ մէկը հետաքրքրութիւն ցուցնէ առաջին հանդիպումին ընթացքին, իրեն տուր Դիտարան–ի 2020 թիւ 2–ը։ Շատ քիչ ժամանակ մնացած է, որ Աստուծոյ Թագաւորութիւնը մէջտեղէն վերցնէ իրեն հակառակող բոլոր իշխանութիւնները (Դան. 2։44. Ա. Կոր. 15։24, 25)։ Ուրեմն թող որ այս յատուկ առիթը լման օգտագործենք, որ մեր հաւատարմութիւնը ցուցնենք Եհովային եւ իր Թագաւորութեան հանդէպ։