Քոյրերը ինչպէ՞ս կրնան աւելի ծառայել Եհովային

Քոյրերը շատ օգտակար կը դառնան թագաւորութեան գործին (Սաղ. 68։11)։ Անոնք շատ մը Աստուածաշունչի ուսումնասիրութիւններ կը վարեն։ Կանոնաւոր ռահվիրաներէն շատեր քոյրեր են։ Հազարաւոր աշխատասէր քոյրեր կը ծառայեն որպէս բեթէլականներ, միսիոնարներ, շինարարութեան կամաւորներ, շինարարութեան ծառաներ եւ թարգմանիչներ։ Հասուն քոյրերը կը զօրացնեն իրենց ընտանիքները եւ ժողովքները (Առ. 14։1)։ Թէեւ քոյրերը չեն կրնար ծառայել որպէս երէցներ կամ օգնական ծառաներ, բայց կրնա՛ն հոգեւոր նպատակներ դնել։ Եթէ դուն քոյր ես, ի՞նչ կերպերով կրնաս աւելի ծառայել Եհովային։

• Ջանք ըրէ որ հոգեւոր յատկութիւններ ունենաս (Ա. Տիմ. 3։11. Ա. Պետ. 3։3-6)

• Ժողովքին մէջ աւելի քիչ փորձառութիւն ունեցող քոյրերուն օգնէ (Տիտ. 2։3-5)

• Ջանք թափէ որ աւելի ծառայես եւ ծառայութեանդ որակը աւելի լաւացնես

• Ուրիշ լեզու մը սորվէ

• Փոխադրուէ ուր որ քարոզիչներու աւելի պէտք կայ

• Դիմէ Բեթէլին մէջ աշխատելու կամ աստուածպետական կառոյցներ շինելու

• Թագաւորութեան աւետարանիչներու դպրոցին դիմէ

ԴԻՏԷ ԱՍՏՈՒԾՈՅ ՀԱՄԱՐ ԾԱՆՐ ԱՇԽԱՏՈՂ ԿԻՆԵՐ ՎԻՏԷՈՆ, ԵՒ ԵՏՔԸ ՊԱՏԱՍԽԱՆԷ ԱՅՍ ՀԱՐՑՈՒՄՆԵՐՈՒՆ.

• Ամէն մէկ քրոջ ըսածը ինչպէ՞ս քաջալերեց քեզ։