Ամուսնութիւնը մնայուն կապ մըն է

Յաջող ամուսնութիւնը Եհովային փառք կը բերէ եւ կ’ուրախացնէ զոյգը (Մար. 10։9)։ Քրիստոնեան պէտք է Սուրբ Գիրքին սկզբունքներուն հետեւի երբ կողակից մը կը զատէ, որպէսզի ուրախ եւ մնայուն ամուսնութիւն մը ունենայ։

Մի՛ սկսիր մէկու մը հետ ծանօթանալ մինչեւ որ անցնիս «երիտասարդութեան ծաղկուն շրջանը», այսինքն՝ այն շրջանը, երբ սեռային զգացումներդ կրնան դժուարացնել որ իմաստուն որոշումներ առնես (Ա. Կոր. 7։36, ՆԱ)։ Ամուրիութիւնդ օգտագործէ որ Աստուծոյ հետ փոխյարաբերութիւնդ զօրացնես եւ լաւ յատկութիւններ զարգացնես։ Ասոնք պիտի ձգեն որ յաջող ամուսնութիւն մը ունենաս, երբ ատենը գայ։

Առաջ որ մէկու մը հետ ամուսնանաս, ժամանակդ առ որ անոր «սրտին ծածուկ մարդը» ճանչնաս (Ա. Պետ. 3։4)։ Եթէ անոր մասին կասկածներ ունենաս, անոր հետ խօսէ ատոնց մասին։ Ամուսնութեան մէջ պէտք է աւելի տալ ըլլայ, քան թէ՝ առնել, ինչ որ բոլոր մարդկային փոխյարաբերութիւններուն պարագան է (Փլպ. 2։3, 4)։ Եթէ ամուսնանալէ առաջ սովորութիւն ունենաս Սուրբ Գիրքին սկզբունքները գործադրելու, ամուսնութենէն ետք դիւրին պիտի ըլլայ զանոնք գործադրելը, ինչպէս նաեւ յաջող ամուսնութիւն պիտի ունենաս։

ԴԻՏԷ ԱՄՈՒՍՆՈՒԹԵԱՆ ՊԱՏՐԱՍՏՈՒԻԼ (ՄԱՍ 3). ԾԱԽՍԸ ՀԱՇԻՒ ԸՐԷ ՎԻՏԷՈՆ, ԵՒ ԵՏՔԸ ՊԱՏԱՍԽԱՆԷ ԱՅՍ ՀԱՐՑՈՒՄՆԵՐՈՒՆ.

• Քրոջ եւ Շէյնին փոխյարաբերութիւնը ինչպէ՞ս կ’ընթանար։

• Ժամանակի ընթացքին, քոյրը ի՞նչ բանի անդրադարձաւ։

• Իր ծնողքը իրեն ինչպէ՞ս օգնեց, եւ ան ի՞նչ իմաստուն որոշում մը առաւ։