Նկարներէն օգտուէ

Մեր հրատարակութիւնները լեցուն են նկարներով, որոնք կարեւոր կէտեր կը սորվեցնեն մեզի։ Ինչպէ՞ս կրնաս ատոնցմէ օգտուիլ։

• Նկարներուն վրայ աչք մը նետէ յօդուածը կարդալէ առաջ։ Նկարները թերեւս հետաքրքրութիւնդ արթնցնեն եւ ախորժակդ բանան որ յօդուածը կարդաս։ Նկարները կը ձգեն որ յօդուածը «համտեսես»՝ զայն «ուտելէ» առաջ։ Ասոր համար դուն քեզի հարցուր. ‘Ի՞նչ կը տեսնեմ’ (Ամս. 7։7, 8)։

• Մինչ յօդուածը կը կարդաս, մտածէ թէ ինչո՛ւ այդ նկարները զատուած են այդ յօդուածին համար։ Նկարին տակը գրուածը կամ նկարին բացատրութիւնը կարդա՛։ Մտածէ թէ նկարը ի՛նչ կապ ունի նիւթին հետ եւ կեանքիդ հետ։

• Յօդուածը կարդալէ ետք, նկարներուն նորէն նայէ, որպէսզի գլխաւոր կէտերը յիշես։ Աչքերդ գոցէ եւ փորձէ յիշել նկարները եւ ամէն մէկուն սորվեցուցած կէտերը։

• Այս պարբերաթերթին նկարներուն նորէն նայէ, եւ տե՛ս թէ կը յիշե՞ս ամէն մէկուն սորվեցուցած դասը։