Դարեր առաջ, աստուածաշնչական մարգարէութիւն մը Յիսուսի ծննդավայրը նախագուշակեց. «Դո՛ւն, ո՛վ Բեթլեհէմ Եփրաթա, թէեւ Յուդայի հազարաւորներուն մէջ պզտիկ ես, բայց քեզմէ պիտի ելլէ Ան, որ Իսրայէլի վրայ իշխան պիտի ըլլայ» (Միքիա 5։2)։a Ակներեւօրէն, Բեթլեհէմը ա՛յնքան պզտիկ էր որ չէր պարփակուեր Յուդայի երկրամասի քաղաքներու ցանկին մէջ։ Այսուհանդերձ, աս պզտիկ գիւղը մասնայատուկ պատիւ մը պիտի ունենար։ Խոստացեալ Մեսիան, կամ Քրիստոսը, Բեթլեհէմէն պիտի գար (Մատթէոս 2։3-6. Յովհաննէս 7։40-42)։