«Արթուն կեցէք»

25։1-12

Ճիշդ է որ Յիսուս տասը կոյսերուն առակը իր օծեալ հետեւորդներուն ուղղեց, բայց այդ առակին գլխաւոր պատգամը բոլոր քրիստոնեաներուն կը կիրարկուի (դ15 3/15 էջ 12-16)։ «Արթուն կեցէք, վասն զի ո՛չ օրը գիտէք եւ ո՛չ ժամը» (Մատ. 25։13)։ Յիսուսին այս առակը կրնա՞ս բացատրել։

• Փեսան (համար 1)։ Յիսուսը։

• Իմաստուն՝ պատրաստ կոյսերը (համար 2)։ Օծեալ քրիստոնեաները, որոնք պատրաստ են իրենց նշանակումը հաւատարմութեամբ կատարելու եւ որոնք լուսաւորներու պէս կը փայլին մինչեւ վերջը (Փլպ. 2։15)։

• Ձայնը. «Ահա փեսան կու գայ» (համար 6)։ Յիսուսի ներկայութեան ապացոյցը։

• Յիմար կոյսերը (համար 8)։ Այն օծեալ քրիստոնեաները, որոնք կ’երթան փեսան դիմաւորելու, բայց արթուն չեն կենար եւ իրենց ուղղամտութիւնը չեն պահեր։

• Իմաստուն կոյսերը չեն ուզեր իրենց իւղէն տալ (համար 9)։ Վերջնական կնքումէն ետք, այլեւս շա՛տ ուշ է որ հաւատարիմ օծեալները օգնեն անոնց՝ որոնք անհաւատարիմ դարձան։

• «Փեսան եկաւ» (համար 10)։ Յիսուս կու գայ դատելու՝ մեծ նեղութեան վերջաւորութենէն քիչ առաջ։

• Իմաստուն կոյսերը փեսային հետ հարսանիքի կը մտնեն եւ դուռը կը գոցուի (համար 10)։ Յիսուս իր հաւատարիմ օծեալները երկինք կը հաւաքէ, բայց անհաւատարիմները իրենց երկնային վարձատրութիւնը կը կորսնցնեն։