Ո՞վ է Աստուած

Մարդկութեան պատմութեան ընթացքին, մարդիկ շատ մը աստուածներ եւ աստուածուհիներ պաշտած են։ Բայց Սուրբ Գիրքը մէկ Աստուծոյ մասին կը խօսի, որ «բոլոր աստուածներէն մեծ է» (Բ. Մնացորդաց 2։5)։ Ո՞վ է ան։ Եւ ի՞նչ բան զինք աւելի մեծ կը դարձնէ միւս բոլոր աստուածներէն, որոնք մարդիկ կը պաշտեն։ Այս դասին մէջ, տե՛ս թէ Աստուած ինչպէ՛ս ինքզինք կը ծանօթացնէ քեզի։

1. Աստուծոյ անունը ի՞նչ է եւ ինչպէ՞ս կրնանք վստահ ըլլալ, որ կ’ուզէ որ զայն գիտնանք

Սուրբ Գիրքին մէջ, Աստուած ինքզինք կը ծանօթացնէ մեզի։ Ան կ’ըսէ. «Ես Եհովան եմ. իմ անունս այս է» (կարդա՛ Եսայի 42։5, 8)։ «Եհովա»ն եբրայերէն անունի մը հայերէն թարգմանութիւնն է, որ շատ մը մասնագէտներու կարծիքով կը նշանակէ՝ «Ան կը պատճառէ ըլլալ»։ Եհովան կ’ուզէ որ իր անունը գիտնանք (Ելից 3։15)։ Ինչպէ՞ս կրնանք վստահ ըլլալ։ Ան իր անունը գրել տուած է Սուրբ Գիրքին մէջ աւելի քան 7000 անգամa։ Եհովա անունը կը պատկանի ‘ճշմարիտ Աստուծոյ’ (Յովհաննէս 17։3)։

2. Սուրբ Գիրքը Եհովային մասին ի՞նչ կը յայտնէ

Սուրբ Գիրքը կ’ըսէ, որ մարդոց պաշտած բոլոր աստուածներէն, Եհովա՛ն է միակ ճշմարիտ Աստուածը։ Ինչո՞ւ։ Կան քանի մը պատճառներ։ Եհովան միակ ‘Բարձրեալն է բոլոր երկրի վրայ’ (կարդա՛ Սաղմոս 83։18)։ Ան «Ամենակալ»ն է, ինչ որ կը նշանակէ թէ զօրութիւնը ունի իր ուզածը ընելու։ Ան ‘ամէն բան ստեղծեց’. տիեզերքը եւ ամէն տեսակ կեանք երկրի վրայ (Յայտնութիւն 4։8, 10բ)։ Եւ միայն Եհովան միշտ գոյութիւն ունեցած է եւ պիտի շարունակէ գոյութիւն ունենալ յաւիտեա՛ն (Սաղմոս 90։2)։

3. Աստուած շատ մը տիտղոսներ ունի, բայց միայն մէկ անուն ունի

Պէ՞տք է անհատի մը անունը գործածենք, թէ ոչ՝ միայն տիտղոսը կը բաւէ։ Պատասխանը գիտնալու համար, դիտեցէ՛ք ՎԻՏԷՈՆ եւ քննարկեցէ՛ք այս հարցումը։

ՎԻՏԷՕ. Շատ տիտղոսներ, բայց մէկ անուն (0։41)

• Ի՞նչ է տարբերութիւնը տիտղոսի մը,– օրինակ՝ «Տէր»,– եւ անունի մը միջեւ։

Սուրբ Գիրքը կ’ըսէ, թէ մարդիկ շատ աստուածներ ու տէրեր կը պաշտեն։ Կարդացէ՛ք Սաղմոս 136։1-3 եւ քննարկեցէ՛ք այս հարցումը.

• Ո՞վ է «աստուածներուն Աստուածը» եւ «տէրերուն Տէրը»։

4. Եհովան կ’ուզէ որ իր անունը գիտնաս եւ գործածես

ՎԻՏԷՕ. Աստուած անուն ունի՞. հատուած (3։11)

• Կը կարծե՞ս թէ Եհովան կ’ուզէ, որ իր անունը գիտցուի։ Ինչո՞ւ։

Եհովան կ’ուզէ որ մարդիկ իր անունը գործածեն։ Կարդացէ՛ք Հռովմայեցիս 10։13 եւ քննարկեցէ՛ք այս հարցումները.

• Աստուծոյ Եհովա անունը գործածելը որքա՞ն կարեւոր է։

• Ի՞նչ կը զգաս, երբ մէկը անունդ կը յիշէ եւ քեզ անունովդ կը կանչէ։

• Քու կարծիքովդ, Եհովան ի՞նչ կը զգայ, երբ իր անունը գործածես։

5. Եհովան կ’ուզէ որ իր բարեկամը ըլլաս

ՎԻՏԷՕ. Ես կը փնտռէի ճշմարիտ Աստուածը (8։18)

• Վիտէոյին մէջ, Աստուծոյ անունը գիտնալը ինչպէ՞ս ազդեց Սոթէնին։

Մէկու մը ընկերը ըլլալէ առաջ, սովորաբար նա՛խ իր անունը կը գիտնաս։ Կարդացէ՛ք Յակոբոս 4։8ա եւ քննարկեցէ՛ք այս հարցումները.

• Եհովան քեզ կը քաջալերէ որ ի՞նչ ընես։

• Աստուծոյ անունը գիտնալը եւ գործածելը ինչպէ՞ս կրնայ քեզի օգնել, որ իր բարեկամը ըլլաս։

ԱՄՓՈՓՈՒՄ

«Եհովա»ն միակ ճշմարիտ Աստուծոյ անունն է։ Ան կ’ուզէ որ զայն գիտնանք եւ գործածենք, որպէսզի իր բարեկամը ըլլանք։

Վերաքաղ

• Եհովան ինչպէ՞ս տարբեր է միւս բոլոր աստուածներէն, որոնք մարդիկ կը պաշտեն։

• Ինչո՞ւ պէտք է Աստուծոյ անունը գործածենք։

• Ի՞նչ բան ցոյց կու տայ, որ Եհովան կ’ուզէ որ իր բարեկամը ըլլաս։

ԱՒԵԼԻ՛Ն ԳԻՏՑԻՐ

Նկատի առ հինգ պատճառներ թէ ինչո՛ւ կրնանք վստահ ըլլալ, որ Աստուած գոյութիւն ունի։

«Աստուած մը կա՞յ» (յօդուած՝ մեր կայքին վրայ)

Տե՛ս թէ ինչո՛ւ տրամաբանական է հաւատալ, որ Աստուած միշտ գոյութիւն ունեցած է։

«Ո՞վ գոյութիւն տուաւ Աստուծոյ» (Դիտարան 1 օգոստոս 2014)

Տե՛ս թէ ինչո՛ւ Աստուծոյ անունը պէտք է գործածենք, նոյնիսկ եթէ չենք գիտեր ճիշդ ինչպէ՛ս կը հնչուէր։

«Ո՞վ է Եհովան» (յօդուած՝ մեր կայքին վրայ)

Տարբերութիւն կ’ընէ՞ թէ Աստուած ի՛նչ կը կոչենք։ Տե՛ս թէ ինչո՛ւ կրնանք ըսել, թէ ան միայն մէկ անձնական անուն ունի։

«Աստուած քանի՞ անուն ունի» (յօդուած՝ մեր կայքին վրայ)