2011–ի Օրացոյցը Ընտանեկան պաշտամունքին վրայ ուշադրութիւն կը հրաւիրէ
Եհովայի վկաներու 2011–ի օրացոյց–ին բնաբանն է՝ Ընտանեկան պաշտամունքը։ Օրացոյցը կը ներկայացնէ մերօրեայ ընտանիքներ եւ անոնց աստուածաշնչական համազօրներ։ Անիկա նաեւ ցոյց կու տայ Եհովայի ամուսնացած եւ ամուրի ծառաներ, որոնք իր Խօսքը կ’ուսումնասիրեն։
Օրացոյցին նշած աստուածաշնչական անձնաւորութիւններուն հաճութիւնը Եհովայի օրէնքին մէջ էր, եւ ասիկա մեծապէս անոնց օգնեց, որ իրենց դիմագրաւած յատուկ մարտահրաւէրներուն հետ գլուխ ելլեն (Սաղ. 1։2, 3)։ Մինչ իւրաքանչիւր պատկեր կը քննենք, պիտի յիշենք Ընտանեկան պաշտամունքին կարեւորութիւնը, մեր ընտանիքը ըլլայ մե՛ծ թէ պզտիկ, հոգեւորապէս միացա՛ծ թէ բաժնուած։ Օրացոյցին վրայ տեղ յատկացուած է, որպէսզի Ընտանեկան պաշտամունքի համար ընտանիքիդ տրամադրած օրը արձանագրես։ Զայն լեցուցա՞ծ ես։