ՀԱՐՑՈՒՄ 6
Աստուածաշունչը Քրիստոսին մասին ի՞նչ մարգարէացաւ
ՄԱՐԳԱՐԷՈՒԹԻՒՆ
«Դո՛ւն, ո՛վ Բեթլեհէմ Եփրաթա. . . քեզմէ պիտի ելլէ Ան, որ Իսրայէլի վրայ իշխան պիտի ըլլայ»։
ԿԱՏԱՐՈՒՄ
«Երբ Յիսուս ծնաւ Հրէաստանի Բեթլեհէմին մէջ Հերովդէս թագաւորին օրերը, ահա արեւելքէն մոգեր եկան Երուսաղէմ»։
ՄԱՐԳԱՐԷՈՒԹԻՒՆ
«Իմ հանդերձներս իրենց մէջ կը բաժնեն ու պատմուճանիս վրայ վիճակ կը ձգեն»։
ԿԱՏԱՐՈՒՄ
«Զինուորները երբ Յիսուսը խաչը հանեցին, անոր հանդերձները առին ու չորս բաժին ըրին. . . իսկ պատմուճանը առանց կարի էր, վերէն վար հիւսուած. ուստի ըսին իրարու. ‘Ատիկա չպատռենք, հապա վիճակ ձգենք ատոր վրայ, թէ որո՞ւ պիտի ըլլայ’»։
ՄԱՐԳԱՐԷՈՒԹԻՒՆ
«Անոր բոլոր ոսկորները կը պահէ, անոնցմէ մէկը չի կոտրուիր»։
ԿԱՏԱՐՈՒՄ
«Երբ Յիսուսին մօտեցան ու տեսան թէ արդէն մեռած էր, անոր սրունքները չկոտրտեցին»։
ՄԱՐԳԱՐԷՈՒԹԻՒՆ
«Անիկա մեր մեղքերուն համար վիրաւորուեցաւ»։
ԿԱՏԱՐՈՒՄ
«Զինուորներէն մէկը գեղարդով անոր կողը խոցեց եւ շուտ մը արիւն ու ջուր ելաւ»։
ՄԱՐԳԱՐԷՈՒԹԻՒՆ
«Իմ վարձքիս համար երեսուն արծաթ կշռեցին»։
ԿԱՏԱՐՈՒՄ
«Այն ատեն տասներկուքէն մէկը, որ Յուդա Իսկարիովտացի կը կոչուէր, գնաց քահանայապետներուն ու ըսաւ. ‘Ի՞նչ կու տաք ինծի, որ ձեզի մատնեմ զանիկա’։ Անոնք երեսուն սիկղ արծաթ խոստացան անոր»։