ՔՐԻՍՏՈՆԷԱՎԱՅԵԼ ԱՊՐԵԼԱԿԵՐՊ
Կրնա՞ս հաւատքդ բացատրել
Եթէ մէկը քեզի հարցնէ, թէ ինչո՛ւ կը հաւատաս որ Աստուա՛ծ ստեղծեց ամէն բան, ի՞նչ կ’ըսես։ Ինքնավստահութեամբ պատասխանելու համար երկու բան պէտք է ընես։ Նախ՝ պէտք է դուն քեզի փաստես, որ Աստուած ստեղծած է ամէն բան (Հռով. 12։1, 2)։ Ետքը, պէտք է մտածես, որ ինչպէ՛ս կրնաս հաւատքդ ուրիշին բացատրել (Առ. 15։28)։
ԴԻՏԷ ՈՍԿՈՐԻ ՎԻՐԱԲՈՒԺՈՒՀԻ ՄԸ ԻՐ ՀԱՒԱՏՔԸ ԿԸ ԲԱՑԱՏՐԷ ԵՒ ԿԵՆԴԱՆԱԲԱՆ ՄԸ ԻՐ ՀԱՒԱՏՔԸ ԿԸ ԲԱՑԱՏՐԷ ՎԻՏԷՕՆԵՐԸ, ՈՐՊԷՍԶԻ ՏԵՍՆԵՍ ԹԷ ՈՒՐԻՇՆԵՐ ԻՆՉՈ՛Ւ ԿԸ ՀԱՒԱՏԱՆ ՈՐ ԱՍՏՈՒԱ՛Ծ ՍՏԵՂԾԱԾ Է ԱՄԷՆ ԲԱՆ, ԵՒ ԵՏՔԸ ՊԱՏԱՍԽԱՆԷ ԱՅՍ ՀԱՐՑՈՒՄՆԵՐՈՒՆ.
Իրէն Հօֆ Լօրօնսոն ինչո՞ւ ստեղծագործութեան կը հաւատայ եւ ոչ՝ բարեշրջութեան։
Եարօսլավ Տովընիչը ինչո՞ւ ստեղծագործութեան կը հաւատայ եւ ոչ՝ բարեշրջութեան։
Ինչպէ՞ս ուրիշին կը բացատրես, թէ ինչո՛ւ կը հաւատաս որ Աստուա՛ծ ստեղծեց ամէն բան։
Եհովային կազմակերպութիւնը ի՞նչ բաներ հայթայթած է, որոնք քեզի կ’օգնեն որ դուն քեզի եւ ուրիշներուն փաստես, թէ Աստուա՛ծ ստեղծեց ամէն բան։