ՔՐԻՍՏՈՆԷԱՎԱՅԵԼ ԱՊՐԵԼԱԿԵՐՊ
Զոյգերը ինչպէ՞ս կրնան իրենց ամուսնութիւնը ամրացնել
Աբրահամը եւ Սառան իրար սիրող եւ յարգող զոյգ մըն էին (Ծն. 12։11-13. Ա. Պետ. 3։6)։ Բայց անոնք կատարեալ ամուսնութիւն չունէին եւ նեղութիւններ ունեցան։ Ամուսնացած զոյգերը ի՞նչ կրնան սորվիլ Աբրահամէն եւ Սառայէն։
Իրարու հետ հաղորդակցեցէք։ Երբ կողակիցդ ջղայնութեան մէջ բան մը ըսէ, խոնարհութեամբ վարուէ (Ծն. 16։5, 6)։ Իրարու ժամանակ տրամադրեցէք։ Թէ՛ խօսքով եւ թէ գործով կողակիցդ վստահեցուր որ զինք կը սիրես։ Ամէն բանէ աւելի, վստահ եղէք որ երկուքդ ալ կեդրոնացած էք Եհովային հետ ձեր ունեցած փոխյարաբերութեան վրայ՝ միասին սերտելով, աղօթելով եւ Եհովան պաշտելով (Ժող. 4։12)։ Զօրաւոր ամուսնութիւնները կը պատուեն Եհովան, որ այս սուրբ կարգադրութեան հիմնադիրն է։
ԴԻՏԷ ԻՆՉՊԷ՞Ս ԿՐՆԱՍ ԱՄՈՒՍՆԱԿԱՆ ԿԱՊԴ ԱՄՐԱՑՆԵԼ ՎԻՏԷՈՆ, ԵՒ ԵՏՔԸ ՊԱՏԱՍԽԱՆԷ ԱՅՍ ՀԱՐՑՈՒՄՆԵՐՈՒՆ.
Վիտէոյին մէջ ի՞նչ նշաններ կային որ Արան եւ Լարան իրարմէ կը հեռանային։
Ինչո՞ւ անկեղծ հաղորդակցութիւնը կարեւոր է ամուսնութեան մէջ։
Աբրահամին եւ Սառային օրինակը ինչպէ՞ս օգնեց Արային եւ Լարային։
Արան եւ Լարան ի՞նչ քայլեր առին որ իրենց ամուսնութիւնը զօրացնեն։
Ամուսնացած զոյգերը ինչո՞ւ պէտք չէ ակնկալեն, որ իրենց ամուսնութիւնը կատարեալ ըլլայ։
Կրնա՛ս ամուսնութիւնդ զօրացնել